Kasumaran sa kamatayon ni Nonoy Reluya ug mga kauban
Rowena D. Capistrano (Banat) - January 22, 2020 - 12:00am

CEBU, Philippines — Usa ka Santos nga Misa ang ipahigayon karong adlawa sa alas 5:00 sa hapon diha sa San Isidro Labrador Parish sa lungsod sa San Fernando.

Kini alang  sa unang tuig nga kasumaran sa kamatayon ni kanhi Association of Barangay Council President Ricardo “Nonoy” Reluya, Ricky Monterona ug Allan Bayot kinsa gibanhigan patay sa nilabay nga tuig diha sa Barangay Linao, Dakbayan sa Talisay.

Si Neil Papas, municipal administrator ug kasamtangan nga municipal public information officer sa Lungsod sa San Fernando nibutyag nga ang kaparian sa parokya sa San Isidro Labrado maoy mangulo sa Santos nga Misa.

Matud ni Papas nga sa unang higayon human sa nahitabong pagpamanhig diin nakalingkawas si Mayor Reluya sa kamatayon human siya gigakos kaniadto sa iyang bana dihang girakrakan ang ilang gisakyan nga van mosud-ong kini sa maong sakyanan.

Giingong ang nahisgutang sakyanan dalhon kini diha sa simbahan aron buhatan og deliverance tungod kay giingong adunay madungog nga mga siyagit ug mga namatikdan nga kahibulongan sa maong sakyanan.

Gibutyag usab ni Papas nga human sa Santos nga Misa ipahigayon ang unity walk nga tambongan sa tanang mga sektor sa lungsod ug candle lighting diha sa plaza sa lungsod. Giawhag ang katawhan ilabi na sa peace loving citizens sa San Fernando nga moapil sa maong kalihukan ug magsul-ob og puti nga senina.

Ang pamilyang Reluya padayon gihapon kining nangita og hustisya sa gidangatan sa mga biktima. /BDB (BANATNEWS)

NONOY RELUYA
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with