BIR maglisod og monitor sa online booking apps
CEBU, Philippines — Ang Bureau of Internal Revenue (BIR) niklaro nga naglisod sila pag-monitor sa online booking sa usa ka apps nga nagpaabang og mga condominium, apartment o mga balay diin ang mga hotel owner nireklamo niini human nikunhod ang ilang kita.
Matud ni Atty. Isaac Darcera, Assistant Chief Legal Division, BIR Revenue Region No. 13, Cebu City nga naglisod sila sa pag-monitor tungod kay wala man sila’y mga pamaagi kong kinsa ang mga nag-book online ug kinsa usab kini sila hinungdan nga nanawagan nalang sila sa mga nagdumala sama sa Air BNB nga mo-share sa ilang kita.
Giingong ang mga hotel kinsa nagbayad og hustong buhis ang nikunhod ang kita.
Matud ni Darcera nga daghan sa mga niapil sa maong apps nga nagpaabang dili rehistrado sa BIR hinungdan nga iyang giawhag ang tanang customer niini nga mangayo og resibo pagsuta kong balido ba kini o ipasusi sa BIR aron magukod ug makabayad kini sa tukmang balayronon sa buhis.
Giangkon ni Darcera nga maglisod gyug sila tungod kay wala man silay online system nga magsusi sa booking sa maong apps.
Niining ulahi lang, sa wala pa ang Sinulog nitiyabaw ang mga nanag-iya og hotel human nga wala mapuno sa mga guest ang ilang hotel tungod kay kadaghanan diha nagpa-booking sa Air BNB nga giingong mas barato. /BDB (BANATNEWS)
- Latest