Pag-apil sa Sinulog halad sa Sto. Niño
Rowena D. Capistrano (Banat) - January 20, 2020 - 12:00am

CEBU, Philippines — Halad sa Senyor Santo Niño ang pagsayaw sa mga out-of-town contingents nga Kulturang Panglaoanon sa Panglao, Bohol ug Tribu Pintaflores sa San Carlos City, Negros Occidental sa Sinulog sa Sugbo kagahapon.

Matud ni Audel John Ybas, sa Lungsod sa Panglao, nga sulod sa unom ka higayon na sila niapil sa Sinulog Grand Parade ug karon dul-an sa tulo ka buwan ang ilang gihimo nga preparasyon alang sa maong kalihukan.

Dugang pa ni Ybas nga ang ilang pag-apil sa Sinulog pagpakita kini sa ilang debosyon sa Balaan nga Bata.

Sumala pa ni Ybas nga tipik sa ilang presentasyon nagpakita sa gugma sa inahan nga dili kabayran og bisan unsa nga butang.

Gitug-an ni Ybas nga mokabat sa P5 milyones ang gibana-bana nga nagasto nila sa kinatibuk-an nilang pag-apil sa Sinulog.

Samtang si Jackielou Panerio, ang coordinator sa Tribu Pintaflores, nitug-an nga sulod sa ika-napulo ka tuig gikan sa ilang katapusan nga higayon nga pag-apil niadtong 2010 mao pa ang ilang pagbalik sa pag-apil.

Gibutyag ni Panerio nga pasalamat sa Batang Jesus ang ilang presentasyon ug moabot ngadto sa dul-an sa 600 tanan ang ilang contingents ug moabot sa P4.5 milyones ang ilang nagasto sa pag-apil sa kalihukan.

Si Panerio malaumon nga magmalipayon ang mga Sugbuanon atol sa ilang pagbalik pag-apil ilabi na ilang gidala sa Sugbo ang Tribu Pintaflores sa Negros Occidental. /GMR (BANATNEWS)

 

SINULOG
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with