VM Rama, Fr. Ebisa wa kauyon sa signal shutdown
Rowena D. Capistrano (Banat) - January 20, 2020 - 12:00am

CEBU, Philippines — Lainlain ang reaksiyon gikan sa mga opisyal ug mga yanong tawo sa signal shutdown atol sa dagkung kalihukan sa Fiesta Señior.

Si Bise Mayor Michael Rama sa Dakbayan sa Sugbo nitug-an nga wala siya kauyon sa pagpawong aa signal apan kay humana man iya nalang giawhag ang katawhan nga maglingaw sa selebrasyon.

Matud ni Rama nga lisud kaayo ang walay signal kay magproblema man ang mga ginikanan ilabi na sa pag-monitor sa ilang mga anak.

Gitug-an ni Rama nga ang Sinulog wala kini gipanag-iya sa usa ka tawo kung dili sa tanan nga katawhan.

Samtang ang chairman sa Kapisanan ng mga Brodkaster ng Pilipinas, Fr. Roberto M. Ebisa, SVD ug general manager sa DyRF1215 ug Power Fm 89.1, nitug-an nga angayan gyud tun-an ang pagpawong sa signal tungod kay daku kaayo kini og ikatabang ang signal dili lang sa mga sakop sa media apan sa katawhan usab nga mapadali ang ilang kontak sa ilang mga kabanay.

Dugang pa ni Ebisa nga nagsingabot ang dakung kalihukan ilabi na sa kalihukan sa 500 Years of Christianity sunod tuig hinungdan nga kinahanglan gyud ang pagtuon kung angay ba pagngon ang mga signal sa telekomunikasyon.

Gibutyag sab ni Ebisa nga sila sa KBP basin mopagawas unya og mga baruganan aron matan-aw kung angay ba ang pagpawong sa signal.

Si Ebisa nitug-an nga kung ang resulta sa pagtuon para gyud sa seguridad wala na usab silay mahimo.

Samtang pipila ka Sugbuanon ang nipadayag nga lisud ang pagpatay sa mga linya sa komunikasyon ilabi na gikan sa kalungsuran kay dili man sila usahay mag-abot sa ilang mga kabanay.

Kung adunay mga nagguol sa walay linya sa komunikasyon aduna usab mga nalipay ilabi na kadtong anaa lang sa ilang tagsa-tagsa ka panimalay nga igo ra nagtan-aw sa selebrasyon sa telebisyon ug naminaw sa mga radyo ug nilili diha sa mga social media. /GMR (BANATNEWS)

RAMA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with