P8 milyones gihatag sa Kapitolyo para Sinulog
CEBU, Philippines — Si Cebu City Mayor Edgardo Labella na maoy magigo kun asa gamiton o ihatag ang P5 milyones nga financial assistance sa probinsya sa Sugbo alang sa Sinulog 2020.
Kung sa lokal nga kagamhanan sa dakbayan sa Sugbo o sa Sinulog Foundation Inc. si Garcia nagkanayon nga “I think I will let the Mayor of Cebu City decide kung asa niya gusto.”
Ang P5 milyones nga hinabang sa kapitolyo alang sa kalihokan sa Sinulog karong tuiga apil sa tukion ugmang adlawa atol sa pagbalik sa regular session sa Sangguniang Panlalawigan.
Ang resolution alang niini, anaa na karon sa agenda nga hisgotan ugmang adlawa sa provincial board.
Ang P5 milyones lahi pa kini sa unang gihatag nga P3 milyones sa kapitolyo ngadto sa SFI, nga unang gisaad sa niaging administrasyon nga nauwahi lang paghatag. – Le Phyllis Antojado/IBM
Panaghiusa ug paghinatagay magsugod sa pamilya - Palma
Gihimug-atan ni Cebu Archbishop Jose Palma sa iyang wali sa iyang pontifical mass sa alas 6 sa buntag sa kapistahan ni Señor Sto. Niño nga ang paghiusa ug pagkamanggihatagon magsugod sa tagsa-tagsa ka pamilya.
Nunot niini iyang giawhag ang mga lokal opisyal sa Sugbo ug mga pribadong sektor ug ingon man ang kinatibuk-ang publiko sa pagtinabangay sa pagsulbad sa mga problema nga nakaepekto sa tanan.
“We have a prayer for a one Cebu. The more than 40 towns or municipalities, and the nine cities will work together and be as one,” nagkanayon si Palma.
Si Palma maoy main celebrant sa pontifical mass sa ika- 455 ka tuig nga kasaulogan sa tinuig nga pangilin ni Señor Sto.Niño nga gipahigayon sa Pilgrim Center sa Basilica Minore del Sto. Niño de Cebu nga gitambongan sa liboan ka mga deboto.
“We pray that there shall be unity, and to transcend limited and personal interests so we can work together as one to help solve traffic, water, environmental, and peace and order problems, and other concerns,”matud pa niya.
Lakip usab sa iyang gipanawagan mao ang paghiusa sa mga opisyal sa nasud nga gipahaum usab sa tema sa kapistahan ni Señor Sto.Niño karong tuiga nga “Sto. Niño: Cause of Our Unity and Charity. We have to think and pray to work together,” ni Palma pa sa iyang homiliya.
Nunot niini iyang gidapit ang mga deboto nga nagagikan sa nagkalainlaing lugar nga mitambong sa misa sa kapistahan sa pagbalik sa sulod tuig nga kasaulogan sa ika 500 ka tuig nga kasaulohan sa Kristiyanismo sa nasud.
“This year, we’re celebrating the 455th anniversary since the first veneration of the image of Señor Santo Niño. And I’m inviting everyone to come back to celebrate the 500th anniversary of the Niño’s arrival in the country, and the beginning of Christianity, ” dugang pa ni Palma. /IBM (BANATNEWS)
- Latest