Tulo ka milyon nagprosisyon
Sheriza Mae Uy, Rowena D. Capistrano (Banat) - January 19, 2020 - 12:00am

CEBU, Philippines — Moabot og dul-an tulo ka milyong deboto ang nitambong sa Solemn Foot Procession nga nagsugod pasado ala-una kagahapon sa hapon pahinungod sa Balaang Batang si Senyor Sto. Niño.

Nanukad kini sa Basilica Minore del Sto. Niño dayon ngadto na sa gitawag nga karaang rota nga niagi sa dalan V. Rama, B. Rodriguez, Fuente, Osmeña Boulevard, P. Del Rosario, Junquera Street, D. Jakosalem dayon balik sa basilica.

Bisan sa kataas sa rota nga moabot og unom ug tunga ka kilometro ug sa panagsang kainit sa adlaw wala kini nakapatarog sa mga debotos sa pag-apil sa maong kalihukan.

Ang prosisyon naabtan og sobra unom ka oras ayha pa hingpit nakaabot ang kinauwahiang bahin niini diha sa basilica, nga tungod sa kataas ang uban naabot tungatunga na sa Santos nga Misa gikan        sa pagbalik sa           imahen.

Matag eskina adunay mga sound system nga gi-air pinaagi sa Power FM 89.1 ug DyRF 1215 mao nga tanang mga nikuyog nakaapil gyud sa pagrosaryo ug pag-awit.

Matud pa ni Cebu City Police Office director Engelbert Soriano sa mga tigbalita gibanabanang 2.5 ngadto sa 3 milyones ka tawo ang nanambong sa prosisyon ug sa basilica.

Gikan sa Fuente Osmeña Rotunda hangtud sa basilica nga kapin usa ka kilometro ang distansya napunsisok ang mga tawong nagsunod sa karo sa Balaang Bata ug ang tumoy atoa pa sa Leon Kilat St.

Si Meljim Mark Balansag, 32, taga Mabolo nitug-an nga siyam ka tuig na siyang niapil sa maong kalihukan isip pagpasalamat sa ikaduha niyang kinabuhi human hapit siya mamatay tungod sa disgrasya sa motor.

Daghan sab nga nanguyog ug nisakripisyo nga mga PWDs ug mga senior citizens nga nagsakay na sa wheelchair.

Ang kapolisan mi-deploy og liboan ka mga polis inabagan sa Central Command ug nagkadaiyang reserve units sa Major AFP services apil na ilang mga kadete nga maoy nagbantay kilid sa mga rota sugod palang sa alas 12 sa udto hangtud nga nahuman ang prosisyon. /IBM (BANATNEWS)

NAGPROSISYON
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with