Abog sa Taal di maabot sa sugbo
CEBU, Philippines — Gibutyag sa Regional Epidemiology and Surveillance Unit sa Department of Health 7 nga layo ra ang Central Visayas sa Taal nga nibuto ug sa pagkakaron wala’y angay kabalak-an ang katawhan.
Apan ang hepe sa RESU-7, Dr. Shelbay Blanco, nipahimangno nga mas maaoy nga duna precautionary measures nga himoon ug sila sa DOH-7 Center for Health Development nag-monitor sa mga posibleng panghitabo kun maapektaran ba ang rehiyon.
“First is as much as possible magbantay lang ta sa ash fall mao ra man na atong kuan and as much as possible mag-andam tag mask N95 sige naman og balik sa TV but then kung lisud pangitaon ang N95 which is lisud man gyud so pwede ra tong mask but then ato lang butangan og handkerchief or tissue kung lisud gyud pangitaon, pero para makuan nato ang ash fall would ang N95 mask,” matud ni Blanco.
Subay sa maong panghitabo, si Rev. Fr. Pacifico Nohara Jr., rector sa Basilica Minore del Sto. Niño, niingon nga ilakip nila sa pangaliya niining kapistahan sa Balaang Bata nga lig-onon ug giyahan ang mga naapektuhan.
“Mao nga kami nag-ampo kaninyong tanan nga ang Ginoo magpadala kaninyo og instrumento ug sa inyo usab nga kabahin palig-ona ninyo inyong pagtuo, palig-ona ninyo ang inyong pagsalig kaniya, sangpit kamo kaniya kay siya lamang maoy makatabang kaninyo,” sigun ni Rev. Fr. Nohara.
Nasayran sab nga dunay kaparian nga giimbitar ang Basilica subay niining kalihukan karon sa Sugbo nga mao ang kapistahan sa Balaang Bata, Sr. Sto. Niño, si Rev. Fr. Nohara nipadayag nga kasabot sila kun dili sila madayon sa pagbisita gumikan sa maong panghitabo. /GMR (BANATNEWS)
- Latest
