^

Banat Balita

Tulo ka lungsod lang sa Camotes hatagan og P5 milyones

Le Phyllis F. Antojado-Orillaneda - Banat

CEBU, Philippines – Si Gobernador Gwendolyn Garcia niasaad nga mohatag og tag P5 milyones nga kantidad sa infrastructure projects sa tulo ka lungsod sa Isla sa Camotes.

Ang lungsod sa Poro, Pilar ug Tudela lang ang makadawat sa maong kantidad gikan sa Kapitolyo human nga ang ilang mga mayor ug bise mayor nitambong sa kalihukan kagahapon didto sa Tudela Evacuation Center alang sa paghatag og incentive sa mga barangay front liner.

Ang mayor ug bise mayor sa lungsod sa San Francisco nga sila Al ug Aly Arquillano wala ni katambong sa kalihukan kagahapon.

Si Garcia nagkanayon nga ang lungsod na ang modesisyon unsa nga proyekto ang gamitan nila sa P5 milyones alang ngadto sa mga barangay.

Ang maong pundo pwede kining gamiton sa pagpaayo sa karsada, patubig, pag-ayo sa taytayan, flood control o bisan unsa nga infrastructure project diha sa kabarangayan.

Samtang si Kongresista Vincent Duke Frasco kinsa nitambong usab sa kalihukan kagahapon nisaad ngadto sa mga barangay health worker nga aduna usab siya’y ihatag ngadto kanila tulo ka bulan ang molabay gikan karon.

Nikabat ngadto sa 1,500 ka barangay nutrition scholars, day care workers, barangay health workers, animal health aide ug tanod gikan sa Lungsod sa Poro, San Francisco, Pilar ug Tudela ang nakadwat sa ilang incentives gikan sa Kapitolyo.

Ang mga tanod nakadawat kini og tag P3,000 samtang ang ubang barangay workers nakadawat og tag P4,000.

Gawas sa incentive, gihatagan usab sila sa ilang bag-ong uniporme ingon man kits.

Niadtong Disyembre 18, 2019  ang mga barangay front liner sa mga lungsod ug dakbayan sa mainland sa Probinsiya sa Sugbo maoy unang nakadawat sa ilang honorarium atol sa general assembly niini diha sa Lungsod sa Minglanilla.

Si Garcia una nang nagkanayon nga wala na nila paapila pa sa assembly niadtong higayona ang mga barangay worker sa mga isla aron dili makagasto ang mga kawani sa ilang mga pamilite hinungdan nga ang Kapitolyo na ang nibista sa isla aron pag-apod-apod sa incentive. /BDB (BANAT NEWS)

CAMOTES

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with