Holiday karon sa Toledo
CEBU, Philippines — Sa unang higayon ang mga kawani sa mga buhatan sa gobiyerno sa Dakbayan sa Toledo mag-obserbar karong adlawa isip special non-working holiday human sa 28 ka tuig nga nahimo ang balaud alang niini.
adlawa saulogon sa dakbayan ang ika-60 nga Charter Day subay sa Republic Act No. 2688 nga gipirmahan niadtong Hunyo 19, 1960.
Sa niaging tuig lang nadiskubrehan sa mga opisyal ang R.A. No. 7254 nga gipirmahan niadtong Marso 20, 1992 nga nagdeklarar sa Enero 6 sa matag tuig nga special non-working holiday sa dakbayan.
Si Toledo City Mayor Marjorie Perales niluwat og Executive Order No. 37 niadtong Disyembre 26, 2019 nga nag-awhag sa tanang kawani sa mga buhatan sa gobiyerno sa siyudad sa pag-obserbar sa maong special non-working holiday.
Si Perales gikatakda usab nga mopadangat sa iyang unang State of the City Address ingon man ang pagsubo sa multi-million ug state of the art nga Toledo City Sports Complex karong buntag.
Ang Republic Act No. 7254 gipirmahan ni kanhi Presidente Corazon Aquino ug gipangamhanan ni kanhi Deputy House Speaker ug kongresista Pablo Garcia sa ikatulong distrito diin sakop ang Dakbayan sa Toledo.
Ang iyang anak nga karon kongresista sa distrito, Deputy Speaker Pablo John Garcia, ang nakadiskubre nga dugay ra nga dunay balaud alang sa special non-working holiday sa Dakbayan sa Toledo. (BANATNEWS)
- Latest
