Kapin P2 milyong shabu para unta sa New Year nasakmit
Romeo Limpangog, Rowena Capistrano, Gabriel Bonjoc, Romeo D. Marantal (Banat) - December 31, 2019 - 12:00am

CEBU, Philippines —  Kapin sa dos milyones pesos nga kantidad sa gituohang shabu ang nasakmit samtang ubay-ubay sa mga nalambigit niini ang adto na sa prisohan sugaton ang Bag-ong Tuig human sila nangadakpan sa managlahing anti-drug operations sa kapolisan sa Metro Cebu.

Sa operasyon sa City Drug Enforcement Unit sa Mandaue City Police Offce pinangulohan ni Police Lieutenant Colonel Franco Rudolf Oriol, Domingo sa gabii didto sa Zone Luy-a, Brgy. Paknaan, Mandaue City nadakpan sila si Eric Banilad Capoy alyas “Rara”; Ronald Villaruel Carunungan, 45; ug Joseph Cabarubias Yrog-irog, 37. Matud pa ni Oriol 160 gramos nga gidudahang shabu nga mobalor kapin sa usa ka milyon ka pesos, usa ka motorsiklo nga XRM nga gisakyan sa mga dinakpan ang ilang nasakmit.

Dugang pa ni Oriol nga si Capoy nga maoy target sa operasyo kay regional level high value target kini tungod dinagko ang pagbaligya niini og drugas. Matud ni Oriol, lapad ang distribusyon sa suspek nga naglakip sa gikan sa Syudad sa Danao, Carmen  paingon sa Syudad sa Mandaue. Samtang sa operasyon nga gihimo sa mga sakop sa Labangon Police Station, nasikop ang 26-anyos nga si Chad Palatolon, Domingo sa gabii sa Barangay Calamba ning Dakbayan sa Sugbo. Si Palatolon, residente sa may Bliss, Barangay Labangon nadakpan sa grupo ni Police Captain Jonathan Dela Cerna uban sa iyang mga sakop sa Drug Enforcement Unit. Pinutos nga ginadiling drugas nga motimbang og 180 gramos, nga mobalor og P1.2 milyones base sa Dangerous Drug Board Value, ug buy bust money ang nasakmit sa kapolisan.

Samtang sa operasyon sab sa kapolisan sa Dakbayan sa Talisay, nadakpan diha sa Sitio Mananga 2, Barangay Tabunok sila si Joel Diaz, 19; Junifer Gadiano, 30; Randy Silaya, 30; ug 16 anyos nga lalaki. Nakuha gikan kanila ang shabu nga nitimbang og 1.08 gramo nga gibana-banang kantidad nga P7 mil.

Sa sunod nga operasyon nadakpan sab si Jervie Dejacto, 28, diha sa Sitio Kilawan, Barangay Tanke. Apil sa gidakop ang kauban ni Dejacto nga 16 anyos nga lalaki nga taga lungsod sa Minglanilla. Ang duha nakuhaan og 0.99 gramos nga gituohang shabu.  IBM (BANATNEWS)

SHABU
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with