Mga lugar nga agian sa Bagyong Ursula
CEBU, Philippines — Gipaabot ang uwanon nga pagsaulog sa Pasko nga gidala sa bagyong Ursula nga moigo sa Sugbo ug sugod alas 11 sa buntag kagahapon ang Philippine Atmospheric Geophysical Astronomical Services Administration (Pagasa) mipaubos sa amihanan ug tungatungang bahin sa lalawigan sa Sugbo sa Tropical Storm Warning Signal Number 1.
Dugang gipaubos sa Tropical Storm Signal Number 1 sa Pagasa kagahapon ang amihanang silangan nga kalungsoran uban sa lalawigan sa Bohol, kasadpang bahin sa Leyte, Leyte, Biliran, Samar, Eastern Samar ug amihanang bahin sa Samar.
Ang Luzon, Sorsogon ug Masbate apil sa Ticao Island gipaubos na usab karon sa signal number 1 apil na niini ang Dinagat Island asa Surigao del Norte ug ingon man ang Siargao Island sa Mindanao.
Ang Tropical Storm Ursula gipaabot nga motugpa sa Eastern Samar karong adlawa.
Ang bagyong Ursula nasigpatan sa gilay-on nga 790 kilometros sa silingang Hinatuan, Surigao del Sur nga naga-irog kini amihanang kasadpan sa gipaspasong 30 kilometro kada oras ug nagdala og hangin 65 kph ug haguros nga 80 kph.
Matud pa ni Engr. Al Quiblat nga human sa pag-landfall sa bagyong Ursula sa Leyte-Samar area, ang bagyong Ursula gipaabot nga motadlas kini sa Sugbo sa amihanang bahin sa Disyembre 25.
Molahos kini sa Negros Occidental ug amihanang Negros Oriental dayon ngadto sa Panay. Gipaabot nga mogawas kini sa kabisay-an Disyembre 26 ug motugpa pagusab sa amihanang Palawan. (BANATNEWS)
- Latest