^
Mga batang libud-suroy paapilon sa âSinulog sa Palaboyââ sunod tuig
Nahumana ang arko nga gihimo diha sa sentro sa island duol sa Fuente Rotunda, Dakbayan sa Sugbo.
Hulagway kuha ni Aldo Nelbert Banaynal

Mga batang libud-suroy paapilon sa “Sinulog sa Palaboy’’ sunod tuig

Alicia Ivy L. Chua (Banat) - December 23, 2019 - 12:00am

CEBU, Philippines — Duna unyay bag-ong makita ang mga bisita sa umaabot nga Sinulog 2020 tungod kay magdugang usa ka bag-ong programa nga gitawag nga “Sinulog sa Palaboy” diin ang magpakita og talent mao ang mga bata sa kadalanan sa Sugbo.

Dili moubos sa 200 ka mga batang nag-edad 8-12 anyos gikan sa lainlaing mga bahin sa dakbayan ang tudloan og tradisyonal nga sayaw sa Sinulog sa orihinal nga “Sinug” dancers sa Mabolo Sinug Group ni anhing Estelita “Nang Titang” Diola.

Ang termino nga Palaboy nagrepresentar sa imahe sa Sto. Niño ingon usa ka batang naglatagaw.

Si Val Sandiego, Project Director sa Sinulog Governing Board miingon nga kining bag-ong konsepto mao ang paghatag higayon sa mga bata sa kadalanan nga mahimong bahin sa Fiesta Señor Celebration.

“These kids are given the chance, the opportunity to dance Sinulog. This will be the first time that we will give an experience to our less fortunate brothers and sister to be part of Fiesta Señor Sto. Niño,” ingon ni Sandiego.

Ang kalihokan maghatag sa mga bata og kahigayonan nga mahimong kabahin sa katilingban ug sa komunidad.

Siya midugang nga sa dihang gipresentar sa SGB ang ideya kay Mayor Edgardo Labella iya gi aprobahan niya kini tungod kay ang kalihokan maapil sa mga bata, kay kini angay sa panahon sa pagsaulog sa Señor Sto. Niño. “Expect nothing extraordinary with the choreography, since what is important is when you see the kids dance with all their hearts, it’s really touching,” ingon ni Sandiego.

Gisugdan na sa mga bata ang ilang pagbansay kauban ang Mabolo Sinug Group, ug karon Disyembre 22, usa ka Christmas party ang gihimo alang sa mga bata; ang kalingawan ug pagkaon giandam alang kanila.  Giingon ni Sandiego nga ang ilang koneksyon sa mga bata dili lang hangtod sa Enero, tungod kay padayonon ang pag-monitor kanila ug sa tungatungang bahin sa sunod tuig ipahigayon ang mini- Olympics ug sila maoy magduduwang atleta.

Ang programa gitumong aron mapadayon ang mga bata nga maapil sa katekismo sa simbahan ug pagdisiplina kanila pinaagi sa pagsayaw. /IBM (BANATNEWS)

SUROY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with