49 ka pamilyang apektado sa sunog sa Talisay nakadawat sa hinabang
Gabriel Bonjoc (Banat) - December 16, 2019 - 12:00am

CEBU, Philippines — Nakadawat na sa ilang hinabang ang 49 ka pamilya nga naapektohan sa sunog didto sa Barangay Lawaan 3, Dakbayan sa Talisay niadtong miaging semana.

Si Mayor Gerald Anthony “Samsam” Gullas Jr. maoy personal nga mitunol sa tag P10mil sa 47 ka pamilyahan samtang P5mil ang usa ka nag-abang ug usa ka pamilya ang midawat og P2mil nga ang balay partially damaged lang.

Si Gullas nibutyag nga dili lalim ang nahiagoman sa mga apektadong pamilya nga mawad-an og panimay.

Mihangyo sa taga City Social Welfare and Development (CSWD) nga ipadali ang paghatag sa hinabang sa mga nasunogan.

Una niini, dali sab nga gitagaan og dinaliang hinabang ang mga apektadong pamilya sama sa pagkaon ug uban pa.

Matud pa sa mayor nga mas maayo nga mapadali ang ang pagbangon sa matag pamilyang apektado ilabi na nga nagsingabot ang kapaskohan.

Sa post ni Gullas sa iyang Facebook page, siya miingon nga giumol nila ang “Oplan Tabang” para sa mga biktima ug nanawagan sila sa publiko og dugang ayuda sama sa tubig, pagkaon, sinina, cash, habol, mga sabon ug tambal.

Kaabag sa siyudad sa Oplan Tabang ang Local Youth Development Office ug ang Sangguniang Kabataan Federation of Talisay. /IBM (BANATNEWS)

FIRE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with