P30 mil madawat nga bonus sa kawani sa Kapitolyo
CEBU, Philippines — Mokabat sa P30,000 ang posibleng madawat nga bonus sa mga empleyado sa Kapitolyo sa dili pa ang Disyembre 25 niining tuiga.
Si Emmie Gingoyon, provincial budget officer nagkanayon nga ang Kapitolyo nisumiter kini og P40.175 milyones nga supplemental budget number 2 ngadto sa hunta probinsiyal.
Lakip niini ang P15,000 Collective Negotiation Agreement (CNA) ug ang Service Recognition Incentive (SRI) nga P10,000.
"Ang 15,000 nga CNA subject sa approval /authorization sa provincial board", matud ni Gingoyon.
Gipaabot nga matuki sa hunta probinsiyal ang supplemental budget number 2 atol sa regular session niini karong Lunes, Disyembre 16, 2019.
Matud ni Gingoyon nga gawas sa SRI ug CNA makadawat usab ang mga empleyado sa Kapitolyo sa Productivity Enhancement Incentive (PEI) nga P5,000 diin nalakip kini sa annual budget sa probinsiya karong tuiga. /BDB (BANATNEWS)
- Latest