Upat angol sa sunog sa Mandaue
Romeo T. Limpangog (Banat) - December 14, 2019 - 12:00am

Cebu, Philippines — Upat ka tawo ang naangol sa nahitabong sunog diha sa Sitio Pagatpatan, Barangay Paknaan, Dakbayan sa Mandaue niadtong Huwebes sa gabii.

Ang  tag-iya sa balay nga si Satur Vasquez, 50-anyos nibutyag nga nahigmata  na lang siya sa iyang pagkahinanok dihang nakatimaho sa  nagpuot nga aso ug  sa iyang pagsusi nisugat  sa iyang panan-aw  ang nagdilaab nga kayo sa ikaduhang  andana sa  ilang panimalay. 

Matud ni Vasquez nga dali niyang gipukaw iyang asawa ug duha ka anak aron makagawas dayon sila gikan sa ilang balay diin nilayat sila gikan sa ilang bintana paingon sa balay sa ilang silingan.

Si  Senior  Fire  Officer  One  Noel  Codilla, fire  field  investigator nagkanayon nga si Vasquez  nakabaton og paso sa iyang mga bukton ug  ubang parti sa lawas.

Ang asawa ni Vasquez nga si Dolores, 49, ang nakabaton usab og mga paso sa iyang mga bukton ug samad sa tiil.

Ang ilang duha ka anak nga nagpanuigon og 14 ug 10-anyos nakabaton usab og paso sa abaga ug nawong.

Gawas sa balay sa pamilyang Vasquez, naugdaw usab ang sikbit nga panimalay nga gipanag-iya ni Wilfredo Go ug nakan-an sa kayo balay ni Juanita Plaza. -/BDB (BANAT NEWS)

 

SATUR VASQUEZ
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with