P400 trilyones sa simbahan tabang sa Mindanao
Rowena D. Capistrano, Le Phyllis F. Antojado (Banat) - December 14, 2019 - 12:00am

Cebu, Philippines — Nakapadala na ang Archdiocese of Cebu sa P400,000 nga hinabang alang mga biktima sa linog sa Mindanao niadtong nilabay nga buwan.

Kini ang gitug-an ni Fr. Alex Cola Jr., chairman sa Commission on Service ug presidente sa Cebu Caritas Inc., nga adunay programa sa humanitarian relief.

Matud ni Cola nga ang cash donation gipaagi nila sa National Secretariat on Social Action ug kini ang nakolekta gikan sa mga parokya sa Archdiocese of Cebu.

Samtang gikatakda nga mahatud na sa Kapitolyo ang mga donasyon nga gihatag sa mga Sugboanon sa mga biktima sa linog sa Mindanao sunod semana.

Moabot sa P82,229.75 ang kantidad sa mga donasyon gikan sa tubig, bugas, mga gamit pangkaligo, de lata ug uban pa samtang P7,500 usab ang cash donation ang nakolekta sa Kapitolyo. Ang maong mga donasyon gikan kini sa dili mominus 22 ka indibidwal ug grupo nga nihatag og hinabang sa mga biktima sa linog.

Matud ni Wilson Ramos, pangulo sa Provincial Social Welfare and Development Office, nga ang Provincial Disaster Risk Reduction and Management Office maoy makig-alayon sa Philippine Coast Guard alang sa paghatud sa maong mga hinabang. Gisusi pa sa Kapitolyo kun asa sa Cotabato o Davao ang wala kaayo naabti sa hinabang gikan sa uban aron adto ihatud ang tabang gikan sa mga Sugboanon. - (BANAT NEWS)

NATIONAL SECRETARIAT ON SOCIAL ACTION
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with