P218 milyones wa ma-liquidate sa mga barangay
Cebu, Philippines — Moabot sa P218.4 milyones ang kantidad sa assistance sa Kapitolyo ngadto sa mga barangay nga wala pa ma-liquidate.
Ang maong assistance nahatag sulod sa lima ka tuig gikan sa 2015 ngadto sa 2019.
Sa gipresentar nga summary sa unliquidated financial assistance sa mga barangay, moabot sa P21 milyones ang wala ma-liquidate sa unang distrito; P30 milyones sa ikaduha; P44 milyones sa ikatulo; P14.8 milyones sa ikaupat; P39.9 milyones sa ikalima; P30 milyones sa ikaunom, ug P36.8 milyones sa ikapitong distrito.
Ang mga barangay kinahanglan mopakita og liquidation sa financial assistance sa Kapitolyo sa gipangayo nga tabang isip rekisitos sa dili pa hatagan og usab matud ni Gob. Gwen Garcia.
Si Garcia nihatag na og guidelines kun unsa ra ang ihatag nga proyekto ngadto sa kabarangayan gikan sa Kapitolyo. - ( BANAT NEWS)
- Latest
