^

Banat Balita

Resorts sa moalboal daghang kalapasan

Le Phyllis F. Antojado - Banat

CEBU, Philippines — Dili momenus 60 ka mga estraktura nga nasulod sa 3-meter easement sa baybayon sa Lungsod sa Moalboal ang gipaabot nga gub-on subay sa mando sa Department of Environment and Natural Resources (DENR-7).

Sa report sa Sugbo News sa Provincial Capitol, ang 37 niini mga commercial establishments sama sa beach resorts nga naa mahimutang sa Barangay Basdiot ug laing unom sa barangay Poblacion West.

Ang mga tagdumala ug tagiya niini giisyuhan na sa DENR-7 og Notice of Violation.  Hinoon sa maong notisya ang gibutang kay kalapasan sa 20-meter easement violation.

Kahinumdoman nga susamang mga notisya sab ang giisyu sa mga resorts didto sa Boracay nga niresulta sa pagpasira niini og unom ka buwan alang sa rehabilitasyon.

Matud ni Rodel Bontuyan ang hepe sa Provincial Environment and Natural Resources Office (PENRO) nga adunay pay laing notisya nga gipadala nga ni-specify sa “three-meter-easement violation” pagkonsiderar sa klasipikasyon sa maong dapit.  Ang “portion” mao kini ang termino nga gigamit sa pagtumbok sa kasagarang estraktura nga angay tangtangon sama sa mga hagdanan, retaining walls, concrete fences ug uban pa nga nasulod sa three-meter easement.

Si Gobernador Gwendolyn Garcia atol sa iyang pakigtigom sa Mayor ug bise Mayor sa Moalboal nagkanayon nga gusto niya nga masuta unsa ra nga mga estraktura ang angay nga tangtangon.

Sumala sa Kapitolyo nga ang Basdiot ug Poblacion West ang duha sa tulo ka urban barangays nga dayuhon sa mga turista apan kadaghanan sa mga establisamento sa maong mga barangay nakalapas sa environmental laws ug daghan usab ang kulang sa discharge permits.

Gibutyag usab sa PENRO nga 35 sa 37 ka commercial establishments ang na issuehan og business permit sa Mayor ug duha ang adunay Special Use Agreement of Protected Areas (SAPA); unom ang adunay Environmental Compliance Certificates (ECC). /IBM (BANATNEWS)

RESORTS

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with