_banat
^
Wanted sa carnapping nadakpan
Giila ang dinakpan nga si Gilbert Navarro, 37, usa ka construction worker nga taga lungsod sa Consolacion ug kasamtangang nagpuyo sa Catmon.
File

Wanted sa carnapping nadakpan

Sheriza Mae Uy (Banat) - December 10, 2019 - 12:00am

CEBU, Philippines — Nasikop ang gipasanginlang usa sa Top Most Wanted nga carnapper sa Probinsya sa Sugbo didto sa Barangay Binongkalan lungsod sa Catmon.

Giila ang dinakpan nga si Gilbert Navarro, 37,  usa ka construction worker nga taga lungsod sa Consolacion ug kasamtangang nagpuyo sa Catmon.

Ang warrant of arrest giluwatan ni Regional Trial Court Branch 7 Judge Anacleto Debalocos ang kasong carnapping.

Matud ni Cebu Provincial Highway Patrol Unit chief, Police Captain Michael Gingoyon nga si Navarro usa ka notadong kawatan sa amihanang bahin sa Probinsya sa Sugbo.

Gani niadtong tuig 2006 nakombikto na kini sa kasong pagpangawat. Dugang pa ni Gingoyon nga si Navarro kasamtangan nagpuyo sa Catmon tungod kay nagtrabaho kini isip construction worker sa usa ka resort sa iyang iyaan.

Matud ni Gingoyon, si Navarro mao usab ang suspek sa mga nahitabong carnapping incident sa Catmon ug ang bag-o  didto sa lungsod sa Consolacion niadtong tuig 2017 ug mao kini ang kaso nga nalutsan kini og warrant of arrest niadtong 2018.

Kasong kalapasan sa Republic Act 10883 kun Anti Carnapping Law of 2016 ang atubangon ni Navarro. Lakip nga nagpahigayon sa operation mao ang Catmon Police Station, Consolacion Police Station ug 701st Regional Mobile Force Battalion.  IBM (BANATNEWS)

CARNAPPING
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with