P2 milyon shabu, 16 anyos sikop sa drug bust
Sheriza Mae Uy, Gabriel Bonjoc (Banat) - December 7, 2019 - 12:00am

CEBU, Philippines — Mokabat dul-an P2 milyones nga balor sa gidudahang shabu ang nasakmit atol sa gipahigayon nga buy-bust operation sa Cebu City Police Office sa Dakbayan sa Sugbo.

Tulo ang nasikop lakip na ang usa ka 16 anyos nga lalaki sa maong operasyon. Nasikop mao silang Antonio Gajudo, 32, ug Raymond Entoma,27, nagpuyo sa maong lugar ug ang 16 anyos nga lalaki.

Ang maong operasyon gipangulohan ni Police Major Randy Caballes hepe sa City Intelligence Branch kun diin si Gajudo maoy subject sa maong operasyon.

Dugang pa ni Caballes nga mamahimo nga makabaligya og 50 ngadto 100 gramos nga shabu matag semana ang mga suspek kinsa nakuhaan nila og 225 gramos nga shabu nga mobalor  og P1.5 milyones.

Samtang lain na usab nga operasyon ang gipahigayon sa Labangon Police Station diha sa Enriquez Compound, Barangay Punta Princesa Dakbayan sa Sugbo.

Giila ang dinakpan nga si Michael Abañez, 30 anyos nga taga dan A. Lopez Barangay Labangon Dakbayan sa Sugbo.

Nakuha gikan kaniya ang 10 gramos kun mobalor ngadto sa 61 mil pesos. Kasong kalapasan sa 9165 sec 5 ug 11 kun pamaligya ug pagkupot sa illegal nga drugas ang atubangon sa mga dinakpan.

Sa laing bahin, kanhi mga adik nga napaubos na sa rehabilitasyon nipahinumdom sa mga tinun-an sa Talisay City Central School ug sa High School sa makadaot nga epekto sa paggamit og ilegal nga drugas sa ilang lawas ug sa kinabuhi.

Ang kalihukan gihimo sud sa duha ka adlaw pinaagi sab sa paghingusog sa Barangay Anti-Drug Abuse Council (BADAC) sa Barangay Poblacion.

Usa sa mga kanhi adik nga karon naa na sa Aftercare Program nipasabot sa kabataan kun unsa ang iyang dagway ug kinabuhi kaniadto sa dihang grabe ang iyang pagka adik sa illegal nga drugas.

Giangkon sa laing kanhi adik nga kasagarang hinungdan sa mga kabataan pagsuway og gamit niini tungod kini sa kahambogero ug pagkagahi og ulo.

Matud pa ni Mario (dili tinuod nga pangalan) nga ang adolescent age maoy humok nga madala sa bisyo nga way ayo.

Si Konsehal Jefferson Seguerra, chairman sa committee on Peace and Order nibutyag nga kabatan-onan ang ilang target tungod kay dako sila og kaugmaon sa katilingban.

Asoy pa ni Seguerra nga mas maayong giyahan ang mga bata kay sila man ang umaabot sab nga lider sa atong nasud.

Samtang si Patrolman Fredman Tormon sa Talisay City Police Station nitataw nga tipik ug kabahin sa kampanya sa ilegal nga drugas ang ilang gibuhat.

Sigon pa niya nga dili lang dakop ang ilang buhat kundi mao sab ang pagpaduol sa dughan sa kabataan nga ang polis dili nila kontra. —/IBM BANAT NEWS

SHABU
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with