19 kawani sa Lapu-Lapu City Hall gitaktak
CEBU, Philippines – Hingpit na nga gipangtaktak sa ilang trabaho ang 19 ka kawani sa Lapu-Lapu City Hall kinsa nagpositibo sa paggamit sa ginadiling drugas.
Si Gary Lao, pangulo sa City of Lapu-Lapu Office for Substance Abuse Prevention, niingon nga kabahin kini sa 2,956 ka kawani sa kagamhanan sa dakbayan nga naglangkub sa mga regular, casual ug mga job order nga gipaubos sa kinalit nga drug test.
Sa mga buhatan sa kagamhanan sa dakbayan, nag-una nga labing daghan nga positibo sa paggamit sa ilegal nga drugas ang City Traffic Management System diin adunay pito ug Material Recovery Facility nga dunay unom.
Si Mayor Junard “Ahong” Chan niingon nga ang mga kawani nga natangtang sa ilang trabaho ang kinahanglan nga moboluntaryo sa ilang kaugalingon sa pagpaubos sa rehabilitation program nga gipasiugdahan sa CLOSAP ug posibleng makabalik sa trabaho. /GMR (BANAT NEWS)
- Latest
