Matud ni CCPO Deputy City Director for Operation Police Lieutenant Colonel Randy Korret nga ang ilang mga nadakpan bag-ohay nanug-an nga duna nay nangabot nga bag-ong supply sa illegal nga drugas dinhi sa Sugbo.
STAR/File
Supply sa shabu gibantayan tungod sa Pasko
Sheriza Mae Uy, Rowena Capistrano, Gabriel Bonjoc, Romeo T. Limpangog (Banat) - December 6, 2019 - 12:00am

CEBU, Philippines – Gipanglantawan sa Cebu City Police Office (CCPO) nga mas modaghan pa ang supply sa drugas nga nagsingabot na ang kapaskohan subay sa nakaylap nilang impormasyon karong bag-o.

Matud ni CCPO Deputy City Director for Operation Police Lieutenant Colonel Randy Korret nga ang ilang mga nadakpan bag-ohay nanug-an nga duna nay nangabot nga bag-ong supply sa illegal nga drugas dinhi sa Sugbo.

Nagtuo si Korret nga posible nga gipaagi kini sa mga silingan nga rehiyon gikan sa kaulohan.

Tungod nagkaduol na ang Pasko ug dunay bonus o kwarta ang mga tawo nitaas usab ang demand sa drugas.

Niadtong Merykules sa hapon ang Philippine Drugs Enforcement Group (PDEG-Visayas) nakasakmit og kapin P3 milyones nga shabu gikan sa usa ka babaye sa Saint Jude Acres sa Barangay Bulacao Dakbayan sa Sugbo.

Sumala pang Korret kasagaran sa ilang mga madakpan sa illegal nga drugas pulos bag-ong namaligya niini.

Hitman

Sa laing bahin, nasikop sa CCPO City Intelligence Branch (CIB) ang suspect sa pagpusil patay diha sa Barangay Punta Princesa Dakbayan sa Sugbo atol sa gipahigayon nga buybust operation diha sa Barangay Mambaling.

Giila ang mga dinakpan nga sila Arhiel Jay Andales, 42, taga Sitio Ibabao Barangay Mambaling kinsa giingong usa sa mga gitumbok nga nagpusil patay sa usa ka Ricardo Arias niadtong Disyembre 3 ning tuiga diha sa Barangay Punta Princesa sa miaging semana.  Nadakpan sab ang kauban niini nga si Justin Saavedra, 24, nagpuyo sa Barangay Punta Princesa .

Matud ni CIB Chief Police Major Randy Caballes, si Andales notadong hitman sa mga durugista sa barangay Mambaling.

Gibanabana nga mokabat ngadto sa kapin 200 gramos nga balor sa shabu ang mabaligya ni Andales matag semana uban ang iyang batabata nga si Saavedra.

Atol sa maong operasyon nakuha gikan kanila ang 33 gramos nga gidudahang shabu nga mobalor ngadto sa kapin P200 mil pesos; usa ka cal. 9mm pistol, usa ka 357 paltik revolver ug mga nagkalain-laing bala.

Sunod nga operasyon gihimo diha sa Ma. Christina Street, Barangay Capitol Site, nga gikasikop ni Ruel Sollano, alyas Baka, 36, taga R. Duterte Street, Banawa Barangay Guadalupe.

Nasikop si Sollano, human dunay nisumbong sa kapolisan nga nagluklok kini og armas ug kini suspetsado sa pagpangawat og mga motor diha sa maong dapit.

Sa pagabot sa kapolisan nakuhaan kini og .45 kalibre pistol nga dunay mga bala apan walay papeles ug ingon man tulo ka putos sa gituohang shabu.

Sunod nga nadakpan si Lemuel Pacada, 36anyos, habal-habal driver, taga Upper Riverside, Barangay Inyawan tungod sa paghupot og usa ka Magnum 357 revolver nga dunay mga bala apan walay lisensya.

Samtang sa operasyon sa mga sakop sa Lapu-Lapu  City  Police Office  (LLCPO)  ug  Mandaue  City  Police  Office (MCPO)  onse ka mga tawo apil ang duha ka mga babaye ang nadakpan sa ilang operasyon batok sa illegal nga drugas sa nagkalain-laing barangay sa ilang mga hurisdiksyon.

Samtang lima sab ka tawo ang nadakpan atol sa buybust operation nga gilusad sa mga sakop sa Talisay City Police Station dfiha sa Sitio Panaghiusa, Barangay Tabunok kagahapon sa kaadlawon.

Ang nangadakpan mao silang Mathew Laburada, 37, kinsa napalitan og drugas sa kapolisan.

Atol sa pagdakop, naatlan sab ang upat ka mga gidudahang manuyopay sila si Ericson Raga, 27; James Lastimosa, 37; Gerson Lagnason, 25; ug si Junderf Campo.

Si Laburada ang gihulagway nga bag-ong player sa ginadiling drugas /IBM (BANAT NEWS)

 

DRUGS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with