Kini human sa video nga nakuha sa higala sa biktima kun diin adunay usa ka green nga van nga misulay pagdagit sa bata samtang anaa kini sa kilid sa dalan.
STAR/File
Tulis, dili kidnap ang nahitabo
Decemay P. Padilla, Sheriza Mae Uy (Banat) - December 6, 2019 - 12:00am

CEBU, Philippines – Gihimakak sa Pardo Police Station nga dili suway sa pagdagit ang nahitabo sa usa ka 16 anyos nga tinun-an niadtong Miyerkules sa gabii sa Barangay Poblacion Pardo Dakbayan sa Sugbo.

Kini human sa video nga nakuha sa higala sa biktima kun diin adunay usa ka green nga van nga misulay pagdagit sa bata samtang anaa kini sa kilid sa dalan.

Dali nga nagpatabang ang biktima ngadto sa mga tanod sa barangay hinugdan nga naukay sila ug nabalaka subay sa report nga adunay van nga mangdagit.

Matud pa ni Pardo Police Station Chief Police Major John Kareen Escober nga sa ilang pagsusi pauli na ang bata ug nagkupot sa iyang cellphone kay adunay ka chat. Apan adunay green nga multicab ang nihunog sa tungod niini ug gigunitan ang bata aron paglabni unta sa cellphone.

Dugang pa ni Escober tungod sa mga nanggawas nga mga fake news diha sa social media bahin sa pagpangidnap nabalaka ang mga tawo. Apan sa ilang imbestigasyon, gilabni ra diay ang cellphone sa maong bata.

Giawhag karon ni Konsehal Dave Tumulak ang publiko nga di dayon basta motuo sa mga sulti-sulti ug ipang post sa social media. Apan kinahanglan gihapon ang pagamping sa tanang oras.

Ang kapolisan mipasalig nga walay angayan nga ikabalaka o ikahadlok ang publiko bahin aning mga nanggawas sa social media kay fake news kini ug gipasidan-an ang mga nagpakatap niini nga hunongon kining ilang binuang.

Apan samtang may pasalig ang kapolisan, ang Regional Information Officer sa Department of Education (DepEd)-7 Amaryllis Villarmis miingon nga mahinungdanon gyud ang presensya sa kapolisan diha sa kadalanan alang sa seguridad ilabi na sa mga tinun-an nga mamauli na gikan eskuyla.

Iyaha sab gihangyo ang mga ginikanan nga mag-monitor gyud sa ilang mga bata. Wala pa hinuon silay nadawat nga mga report nga dunay tinun-an sa DepEd-7 nga gidagit.

“Also one thing would also like to remind all the people in the community to check the veracity of the news if its true.  Kay naay uban gud fake news then mo cause of panic sa mga bata, sa mga parents,” dugang ni Villarmia. (/IBM)(BANAT NEWS)

 

KIDNAP
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with