300 ka kaso nga wala na matagad utingkayon sa TCPS

CEBU, Philippines – Niabot sa 300 ka kaso nga wala matagad ang utingkayon sa kapolisan sa Siyudad sa Talisay.

Si Police Major Gerard Ace Pelare, hepe sa Talisay City Police Station nibutyag nga iyang nakita nga daghang mga tagtungod ang naguol tungod kay hangtud karon wala pa mahatagi og hustisya ang maong mga krimen.

Gibutyag ni Pelare nga sugod sa tuig 2019 nga mga krimen ang iyang gisusi pagbalik.

Niadtong niaging adlaw gipaubos sa seminar ang iyang mga personnel kabahin sa Synchronized Enhanced Managing Investigation (SEMPI).

Matud ni Pelare nga ang ilang gibuhat mao ang estratehiya sa pag-utingkay sa mga kaso nga wala masulbad.

Gibutyag ni Pelare nga usa ka imbestigador ang ilang gipa-focus sa kaso aron makita nga ni irog kini.

Si Police Major Maria Teresa Macatangay kinsa usa usab ka abogada ang nahimo nga speaker kabahin sa crime trends ug crime statistics.

Si Macatangay gikatahong eksperto kini crime trends ug crime statistics.

Dugang ni Pelare nga sa maong pamaagi mahatagan nila og tabang ang mga pamilya o ang biktima nga kahatagan og kasulbaran ang ilang kaso. /BDB (BANAT NEWS)