Nag-post og fake news pasakaan og kaso sa kapolisan
Sheriza Mae Uy (Banat) - December 5, 2019 - 12:00am

CEBU, Philippines – Pasakaan og kaso sa kapolisan sa Danao City Police Station ang usa ka estudyante kinsa nag-post diha sa social media kalabot sa fake news nga nakapaukay sa publiko tungod sa giingong puti nga van bisan pa man nga nangayo na kini og pasaylo.

Kini maoy gibutyag sa hepe sa Danao City Police Station Police Lieutenant Colonel Maribel Getigan human nga naukay ang publiko sa maong post.

Matud ni Getigan nga ang 22-anyos nga estudyante niangkon nga gimugna lang niya ang post sa iyang social media account apan wala kini magdahum nga mag-viral subay sa kahadlok nga adunay puti nga van ang mangdagit og manguha og internal organ.

Gihulagway sa maong estudyante nga “joke ra” ang iyang gi-post.  Sa maong post gisaysay niya nga pasado alas 7:00 sa kagabi sakay siya og traysikad paingon unta sa usa ka internet café sa Barangay Poblacion sa Dakbayan sa Danao.

Sa iyang pagkanaog aduna siya’y nasugatan nga puti nga van ug gipangutana siya ug gibaligyaan og perfume nga nagkantidad og P100 diin ang maong perfume giingong para ipasimhot kini ug lakip sa iyang post nabutang usab nga seryoso ang nahitabo.

Sa pagsusi sa kapolisan sa Dakbayan sa Danao namataod-an nga dili kini tinuod ug mugna-mugna lang kini sa estudyante.

Kasong alarm and scandal ang isang-at batok sa estudyante bisan pa man og nangayo na kini og pasaylo tungod sa pagkaukay ug kabalaka sa publiko sa maong viral post. Samtang ang Cebu City Police Office (CCPO) nipahimangno nga dili magpataka og post diha sa social media.

Samtang ang CCPO Deputy City Director for Operation Police Lieutenant Colonel Randy Korret nipahimangno nga dili magpataka og post diha sa social media.

Giklaro ni Korret nga walay nahitabo dinhi sa Sugbo gani gihingusgan nila ang pagpatuman sa checkpoint sa Dakbayan sa Sugbo ug ang pagpakatap sa polis sa kadalanan aron adunay polis visibility.

Dugang ni Korret nga dili nila maako nga bantayan ang tanang tawo ilabi na sa mga bata diha sa kadalaan hinungdan nga iya usab nga gipanawagan ang publiko nga magmabinantayon sa tanan nga higayon ug mo-report dayon diha sa duol nga police station ug dili mag-post diha sa social media nga makamugna na hinuon og ka kuyaw ug kabalaka sa publiko. (/BDB)(BANAT NEWS)

 

FAKE NEWS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with