Nagpasabot kini nga sa tuig 2022, duha ka eleksyon ang mahitabo diin sa Mayo ang National ug Local Elections dayon ang BSKE sa Disyembre.
STAR/File
Pagpangrehistro ipadayon sa COMELEC
Rowena D. Capistrano, Le Phyllis F. Antojado (Banat) - December 5, 2019 - 12:00am

CEBU, Philippines – Gihangop sa Commission on Elections ang pagpirma ni Presidente Rodrigo Duterte sa balaud sa pag-uswag sa Barangay ug Sangguniang Kabataan Elections. Ang Republic Act No. 11462 nag-uswag sa eleksyon sa Mayo 2020 ngadto na sa Disyembre 5, 2022.

Nagpasabot kini nga sa tuig 2022, duha ka eleksyon ang mahitabo diin sa Mayo ang National ug Local Elections dayon ang BSKE sa Disyembre.

Matud ni Atty. Lionel Marco Castillano, provincial election supervisor sa Sugbo, nga gusto unta sa Comelec nga dili magdungan ang eleksyon sa samang tuig alang sa ilang pagpangandam.

“Well sa una, October man gani to ang sunod nga election karon nga December arang-arang,” dugang ni Castillano.

Nunot niini ipadayon sa Comelec ang pagpangrehistro sa mga botante sa Enero o sa Pebrero sunod tuig hangtud na sa 2021. Pipila ka opisyal sa barangay nahinangop sa maong kalambuan.

Si Kapitan Francisco Benedicto sa Barangay Zapatera, Siyudad sa Sugbo nitug-an nga ang paglugway sa eleksyon ang barangay ang makapahimulos kung ang mga opisyal maayo nga moserbisyo.

Apan matud niya nga alkanse sab ang barangay kung ang nagdumala dili takos. Si Konsehal Jessie Campos sa Barangay Tisa nitug-an nga maayo unta nga adunay eleksyon sa barangay aron adunay bag-ong mandato ang mga opisyal. Si Kapitan Clifford Jude Niñal sa Barangay San Nicolas Proper nitug-an nga pabor siya sa postponement apan gikapoy usab siya ilabi na kung dili sila kaalyado tungod kay adunay daghan nga babag sa mga proyekto ilab na sa ibubo unta nga proyekto sa iyang barangay gikan ni Kongresista Rodrigo Abellanosa.

Si Konsehal Ronil Catolico sa Barangay Cañorong, Lungsod sa Ginat ilan nitug-an nga pabor siya sa pag-oktaba sa eleksyon kay gamay ra ang ilang panahon sa pagserbisyo sa mga bag-ong napili niadtong 2018.

Alang niya makadaginot sab ang gobiyerno. (/GMR)(BANAT NEWS)

COMELEC
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with