P12 bilyon nga budget sa 2020 aprobado na sa PB
Le Phyllis F. Antojado (Banat) - December 3, 2019 - 12:00am

CEBU, Philippines — Giaprobahan na sa hunta probinsiyal sa ikatulo ug pinal nga pagbasa ang P12 bilyones nga budget alang sa tuig 2020.

Kagahapon atol sa regular session sa huntag probinsiyal walay nisupak sa mga bokal sa pagpasar sa maong pundo.

Ubos sa nahisgutang pundo ang buhatan sa gobernador niduso og P8 bilyones nga pundo alang sa sunod nga tuig nisaka og 346.80 porsyento itandi sa P1.7 bilyones karong tuiga.

Samtang ang buhatan sa bise gobernador gikan sa P73.9 milyones nisaka kini ngadto sa P144 milyones o 44.52 porsyento.

Sa summary appropriations sa mga opisina sa Kapitolyo ang General Services Office nangayo og P240 milyones nga pundo; Information Office, P25 milyones; Provincial Health Office, P620 milyones; Provincial Social Welfare and Development Office, P289 milyones; Provincial Agriculture Office, P65 milyones; Provincial Veterinary Office, P49 milyones; Provincial Environmental and Natural Resources Office, P26 milyones; Provincial Engineering Office, P83 milyones.

Samtang ang mga provincial ug district hospital P1.9 bilyon ang kinatibuk-ang gipangayo ug P48.6 milyones sa Cebu South Bus Terminal (CSBT).

Ang napasar nga appropriation ordinance gikatakda nga isumiter kini ngadto sa buhatan ni Gobernador Gwendolyn Garcia aron mapirmahan o aprobahan niya kini.  BDB (FREEMAN)

2020 BUDGET
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with