Gipasabot ni Labella nga siya nagmando kagahapon sa buntag tungod ang lungsod naa na sa ilawom sa Tropical Cyclone Wind Signal Number 1.
File
Way klase tungod kang Tisoy
Le Phyllis F. Antojado, Mary Ruth R. Malinao (Banat) - December 3, 2019 - 12:00am

CEBU, Philippines — Gideklarar ni Cebu City Mayor Edgardo Labella ang pagsuspenso sa mga klase sa tanang publiko ug pribado nga tunghaan gikan sa kindergarten, elementarya, ug sekondarya tungod sa Bagyong Tisoy karong adlawa.

Gipasabot ni Labella nga siya nagmando kagahapon sa buntag tungod ang lungsod naa na sa ilawom sa Tropical Cyclone Wind Signal Number 1.

Matud niya ang pagsuspenso sa klase gituyo alang sa kaluwasan sa mga tinun-an ilabi na sa mga dapit nga pirmeng dunay pagdahili sa yuta ug mga pagbaha.

"My declaration is both public and private, but there are private schools nga di motuman so that's their own risk," matud ni Labella.

Domingo pa sa gabii, ang Cebu City Quick Response Team nangandam na sa pagabot sa bagyo.

Sa pikas bahin, gisugdan sa Kapitolyo ang pre-emptive evacuation sa mga lugar nga apektado sa bagyong Tisoy sumala pa ni Neil Sanchez ang hepe sa Provincial Disaster Risk Reduction and Management Office (PDRRMO).

Nagpatabang sila sa Cebu Provincial Police aron pagawhag sa mga residente nga anaa nagpuyo sa mga "danger zones" o kadtong agiaan sa baha ug pagdahili sa yuta lakip na ang mga naa sa baybayon nga mohiklin una sa mas luwas nga mga lugar.

Niadtong Domingo sa gabie aduna nay namakwit apan nibalik ra gihapon.

Si Sanchez nagkanayon nga magpabilin gihapon nga suspendido ang klase gikan kindergarten hangtod high school karong adlawa didto sa amihanang bahin sa lalawigan, samtang depende na sa mga local government units sa habagatang Sugbo kun suspensuhon nila ang ilang    klase.

"Basically pwede na siya (modeklarar og suspension sa klase) for as long as the local DRRM council will recommend to the mayor. The mayor can declare within his jurisdiction being chairperson sa council," matud ni Sanchez.

Sa pagkakaron gibutang sa red alert status ang 31 ka lungsod sa amihanan.

Gipaubos kagahapon sa hapon sa Signal Number 2 sa Philippine Atmospheric, Geophysical and Astronomical Services Administration (PAGASA) ang Daanbantayan, Bantayan, Madridejos, Santa Fe, Medellin, Bogo City, San Remigio, Tabogon, Tabuelan, Tuburan,Carmen, Borbon, Sogod, Catmon, Asturias ug Camotes Islands.

Samtang Signal Number 1 sa Metropolitan Cebu Area, Balamban, Toledo City, Pinamungahan, Aloguinsan, Naga City, Talisay City, Cordova, Minglanilla, Lapu-Lapu City, Mandaue City, Cebu City, Consolacion, Liloan, Compostela ug Danao City.  IBM (FREEMAN)

BAGYONG TISOY CLASS
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with