Kini human nipasalig si Gob. Gwendolyn Garcia nga iyang doblehon ang LAF sa maong buhatan sanglit ang tibuok Lalawigan sa Sugbo ang atimanon sa pangulo sa PCL nga si Bokal Edward Francis Salimbangon itandi sa ubang bokal nga distrito ra ang giatiman.
STAR/File
Pundo sa PCL-Cebu himoong P10 milyones ni Gwen
Gregg M. Rubio (Banat) - December 2, 2019 - 12:00am

CEBU, Philippines — Madoble na unya ang Legislative Assistance Fund sa buhatan sa Philippine Councilors League – Cebu Chapter gikan sa P5 milyones ngadto na sa P10 milyones.

Kini human nipasalig si Gob. Gwendolyn Garcia nga iyang doblehon ang LAF sa maong buhatan sanglit ang tibuok Lalawigan sa Sugbo ang atimanon sa pangulo sa PCL nga si Bokal Edward Francis Salimbangon itandi sa ubang bokal nga distrito ra ang giatiman.

Ang saad ni Garcia giluwatan atol sa dakung kalihukan sa  PCL yearend assembly sa Waterfront Cebu City Hotel and Casino niadtong Huwebes.

Si Garcia nakadayeg sa panaghiusa sa PCL Cebu Chapter ubos sa liderato ni Salimbangon kinsa konsehal sa Lungsod sa Tabogon ug Konsehal Ricardo “Kuya Nick” Pepito sa Dakbayan sa Toledo ug sa daghang kalihukan nga nahimo sulod sa kapin pa lang sa tulo ka buwan nila sa katungdanan.

Ang PCL nakapahigayon na og duha ka medical missions sa bukirang mga barangay sa Garing, Consolacion ug Magsico, San Fernando samtang dunay sportsfest atol sa PCL Week Celebration niadtong Septiyembre.

Daghan ug dagku sab ang mga premyo nga gipanghatag niadtong Huwebes atol sa ilang panagtapok.

“This resourcefulness deserves our assistance from the Office of the Governor in order to support the projects of the PCL,” matud ni Garcia.

Lakip sa nakadayeg mao si Konsehal Danilo Dayanghirang sa Dakbayan sa Davao kinsa maoy PCL national chairman.

“Ang Cebu ang pinaka numero uno, pagka-gwapo sa inyo gathering,” matud ni Dayanghirang.

Ang kalihukan gitambungan sa 549 ka konsehal sa mga dakbayan ug lungsod bisan unsa nga politikanhong partido lakip sa pipila ka mayor ug bise mayor. (BANATNEWS)

GWEN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with