Gipresentar ni CCPO Officer in charge Police Colonel Geovanie Maines ang maong report atol sa gipahigayon sa Joint Cebu City Police Office Advisory Council Meeting.
STAR/File
Krimen sa Cebu City nikunhod
Sheriza Mae Uy (Banat) - December 1, 2019 - 12:00am

CEBU, Philippines — Nikunhod ang mga natalang krimen sa Dakbayan sa Sugbo sugod niadtong Septiyembre hangtud sa Oktubre ning tuiga sumala pa sa report sa Cebu City Police Office (CCPO)

Gipresentar ni CCPO Officer in charge Police Colonel Geovanie Maines ang maong report atol sa gipahigayon sa Joint Cebu City Police Office Advisory Council Meeting.

Base sa maong report, nikunhod ang Index Crime og 45.4% itandi sa sa miaging tuig sa susamang buwan. Samtang  5.7 %  usab ang pagkunhod sa Non- Index Crime. Sa kinatibuk-an, ang Peace and Order Index miubos og 20.8 % karong tuiga kumpara sa milabay nga tuig sa susamang mga buwan.

Ang Index Crime mao ang mga krimen nga gilangkuban sa Murder, Physical Injury, Robbery, Theft, Carnapping ug uban pa. Usa sa dako og pagkunhod ang mga insidente sa pagpangawat nga niubos og 48.4% (212 ka kaso) karong tuiga itandi sa 411 ka kaso sa milabay nga tuig.

Samtang ang Non-index crime mao kadtong mga krimen nga nakalapas sa mga special laws, presidential decrees ug ordinansa sa mga lokal nga kagamhamnan sama sa illegal nga drugas, illegal gambling  ug uban pa.

Sa kampanya batok illegal nga drugas 17,151 ka gramo o kapin 17 ka kilo ang nasakmit sa CCPO sulod sa maong mga bulan. Mokantidad kini og kapin P116 milyones. Samtang mokabat usab ngadto sa dul-an 48 mil nga sticks sa marijuana ang nakuha nga mobalor ngadto sa P19 milyones, 521 usab ang nasikop sa anti-illegal drugs operations.

Ang San Nicolas Police Station nga gipangulohan ni Police Major Kenneth Paul Albotra maoy nanguna sa kampanya batok sa illegal nga drugas kun diin mokabat ngadto sa dul-an P21 milyones nga balor sa shabu.

Gisundan sa Mambaling Police Station nga gipangulohan ni Police Captain Francis Renz Talosig mokabat ngadto sa P20 milyones nga kalampusan sa illegal nga drugas ug ang City Drug Enforcement Unit (CDEU) nga gipangulohan ni Police Lieutenant Colonel Frankie Jingle Lugo nga mokabat P17 milyones nga kantidad sa illegal nga drugas.

Nangangkon ang CCPO nga ang pagkubos sa total crime index sa dakbayan may koneksyon kini sa  gipangusgang kampanya batok sa illegal nga drugas. /IBM (BANATNEWS)

KRIMEN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with