Cellsites pagngon atol sa Sinulog 2020

CEBU, Philippines — Sama sa miaging tuig, posibleng pagngon ang signal sa mga cellsites atol sa Sinulog 2020 isip kabahin sa pagpangandam sa seguridad sa selebrasyon.

Matud ni Cebu City Police Office (CCPO) Officer in Charge Police Colonel Geovanie Maines nga mohimu sila og rekomendasyon ngadto sa National Telecommunication Commission (NTC) 7 alang sa signal shut off.

Apil sa mga idili nianang adlawa ang pagdala  sa backpacks, magsul-ob og jacket ug kalo nga motabon sa nawong. Gusto ni Maines nga samang preparasyon sa gihimo ni                      kanhi PRO7 Regional Director Police Brigadier General Debold Sinas ning tuiga ang ilang buhaton.

Si NTC7 Regional Director Engr. Jesus Laureno mipasabot nga taas pa ang proseso ang signal shut off apan dili na kini bag-o kanila kay gihimo na kini matag Sinulog sa nanglabay nga katuigan.

Pahugtan sab ang seguridad sa Sinulog concert sa South Road  Properties nga gilaumang dugokon sa kabataan lakip ma amh gamay nga kausaban sa rota sa Solemn Procession ug ang Fluvial Procession gikan sa Dakbayan sa Lapu-Lapu.

Ang LCT Teofilo Camomot sa Mandaue Shipping Lightrage Corporation maoy gamitong “galeyon” para sa fluvial procession. Kaong unang semana sa buwan sa Disyembre ang ikatulo nga hugna sa joint meeting sa Task Force Sinulog. –BANAT NEWS