17 kawani sa Cebu City Hall positibo sa drugas
CEBU, Philippines — Laing 17 ka mga empleyado sa Cebu City Hall ang nagpositibo sa gipahigayon nga kinalit nga drug test sa mga tinugyanan sa Cebu City Office on Substance Abuse Prevention (COSAP) nga gipangulohan ni Jonah John Rodriguez.
Matud pa ni Rodriguez, nagpositibo ang siyam gikan sa Department of Engineering and Public Works, tulo sa Department of Manpower Development and Placement, ug upat sa Department of Public Services ug usa niangkon daan nga kini tigamitan og drugas.
Sumala pa ni Rodriguez, kung adunay nagpositibo, aduna usab laing mga buhatan nga nag negatibo kini naglangkob sa City Legal Office ug Business Permit Section.
Gitug-an ni Rodriguez, anaa sa 37 ka mga empleyado ang nahagbong sa drug test sa mga buhatan. Ang COSAP padayon ang kampanya nga himuong drug free workplace ang city hall.
Giduso na nila sa buhatan sa City Legal Office ang mga resulta sa nagpositibo sa ginadili nga drugas alang sa himuong imbestigasyon.
Samtang sa Mandaue City, ipatawag sab sa ang 14 ka mga kawani niini nga absent sa ilang trabaho atol sa kinalit nga pagpa-drug test. Atol sa maong drug test 111 ka mga kawani ang positibo sa paggamit sa illegal nga drugas.
Si Konsehal Nerissa Soon-Ruiz nga maoy focal person sa City Anti-Drug Abuse Council (Cadac) miingon nga ilang ipaubos sa confirmatory test ang sample sa 111 ka mga kawani nga nagpositibo.
Kun makompirmar gyud nga sila tiggamitan og illegal nga drugas taktakon gyud sila sa pwesto ug ipaubos sa rehabilitasyon.
“If there is a need to help the person through our recovery center, then we will offer help,” nagkanayon si Soon-Ruiz.
Kadtong 14 nga wala motambong sa drug test ipatawag aron paesplikahon.
Giklaro sab niyang di angay mabalaka ang mga kawaning dunay gi-maintain nga tambal tungod sa sakit. (/IBM)(BANATNEWS)
- Latest
