Gipatay … Ang mga sakop sa SOCO nanguha og mga ebidensya sa crime scene sa Sitio Molave, Barangay Kamputhaw , Cebu City diin gipatay ang kanhi hepe sa CPPO- PIB nga si Police Lieutenant Colonel Joie Yape kagahapon sa hapon.
Romeo Marantal
Polis gipatay
Sheriza Mae Uy (Banat) - November 22, 2019 - 12:00am

CEBU, Philippines – Patay ang kanhi hepe sa Cebu Provincial Police Office Intelligence Branch human kini gipusil patay sa riding in tandem diha sa Sitio Molave, Brgy. Kamputhaw sa Dakbayan sa Sugbo kagahapon sa hapon.

Ang nakalas mao si Police Lieutenant Colonel Joie Yape kinsa giingong paingon uli sa ilaha diha sa maong dapit apan nadestino kini sa Internal Affairs Service (IAS) sa Camp Crame.

Si Yape giingong bag-ohay pang naabot sa Sugbo kay nitambong kini og hearing sa kasong iyang gikuptan sa dihang siya pay hepe sa PIB sa CPPO sa gihimo nilang mga operasyon.

Apan kagahapon sa hapon, si Yape ug iyang asawa dunay gitambongang event sa us aka hotel diha sa nahitaboan ug sa ilang paglakaw paingon sa mall sa maong dapit kalit kining gipusil sa wa mailhing mamumuno sakay og motorsiklo.

Si Yape gidala sa Perpetual Soccuor Hospital apan matud pa sa hepe sa Abellana Police Station, Police Major Elisandro Quijano nakabsan sa kinabuhi ang biktima.

Sa inisyal nga paghiling sa lawas niini, naigo sa ulo, tiyan, likod ug kilid ang biktima.

Si Yape narelibohan sa iyang pwesto ug gibalhin sa maong rehiyon ug nahimong hepe sa Intelligence Branch sa Ormoc City Police Station dayon sa Catbalogan City Police Station ug bag-ohay lang nabalhin sa IAS-Crame.

Si Yape sa dihang kini pa ang hepe sa PIB -CPPO siya ang nangulo sa pagsikop sa pipila ka mga sinaligan ni self-confessed druglord Franz Sabalones.

Sa pagsuwat aning balita wala pa makahatag og kinatibuk-ang impormasyon ang asawa ni Yape ngadto sa mga imbestigador.

Padayon pa ang imbestigasyon sa kapolisan sa Abellana Police Station bahin sa hitabo.  (/IBM)(BANAT NEWS)

 

DEAD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with