Walo nagdala og shabu sikop sa checkpoint
CEBU, Philippines – Walo ka motorista kinsa giingong nagdala og shabu ang nasikop atol sa gipahigayong checkpoint sa kapolisan sa Presinto 1 sa Mandaue City Police Office (MCPO) sa niaging gabii sa A. del Rosario Avenue sa Barangay Guizo, Dakbayan sa Mandaue.
Si Police Master Sergeant Recelo Campos, Jr. niila sa mga nadakpan nga mao sila si Raymond Mancao, 35, taga Barangay Guizo; Roymark Loloseno, 23, taga Barangay Ibabao sa maong dakbayan; Ruel Villa Flores, 24, taga Barangay San Agustine, Dakbayan sa Tagbilaran sa Bohol; Roberto Celerio, 40, taga Lantaw sa Lungsod sa San Fernando; Mario Plancos, taga Barangay Umapad sa maong dakbayan; John Delsoso, 29, taga Barangay Labogon; Ruben Uy, 46, taga Barangay Umapad; ug Jonathan Mistula, 33; taga Poblacion Occidental sa Lungsod sa Consolacion.
Matud ni Campos nga nikabat ngadto sa 8.1 gramos nga shabu ang nasakmit gikan sa mga suspetsado.
Ang mga suspetsado kinsa natingkagol diha sa detention cell sa Presento 1 ang pasakaan og kasong kalapasan sa Akta Republika 9165 kun “Comprehensive Dangerous Drugs Act of 2002”. (/BDB)(BANAT NEWS)
- Latest