30 kilong shabu sunogon
Sheriza Mae Uy, Rowena Capistrano (Banat) - November 20, 2019 - 12:00am

CEBU, Philippines — Gikatakda na nga sunogon ang giba-bana nga 20-30 kilos nga shabu nga nasakmit gikan sa operasyon sa kapolisan sunod bulan ngadto sa pabrika sa semento sa Dakbayan sa Naga.

Si Regional Crime Laboratory Regional Director Police Colonel Rhoderick Pausal human nga gihatagan na sila og pagtugot gikan sa korte nga sunogon o gub-on ang mga ebidensya.

Dugang pa ni Pausal nga sagad niini nga mga ebidensya iya sa mga drug personalities nga napatay sa operasyon sa kapolisan ug kadtong ang mga kaso nahukman na.

Lakip na niini ang 11 kilos nga shabu nga nasakmit sa Dakbayan sa Mandaue.

Gipanabana nga mokabat pa ngadto sa dul-an 200 kilos ang anaa karon sa storage sa RCLO 7 gikan pa niadtong tuig 2012 hangtud karong tuiga.

Ang maong kalihokan natigayon pipila ka semana human sa pagtumaw sa isyu sa  Ninja cops diha sa organisasyon sa PNP.

Ang mga Ninja cops mao kadtong mga polis nga mo-recycle sa mga nasakmit nga ebidensya aron ibaligya.

Sa sunod nga mga buwan gipaabot nga maabot na dinhi sa Sugbo ang high tech nga makina nga Gas Chromatography–Mass Spectrometry gikan sa kaulohan.

Ang maong makina maoy mo profile sa illegal nga drugas nga masakmit sa kapulisan kung asa kini gikan ug mosuta kung usa lang ba ang gigikanan niini nga supply.

Pinaagi niini masubay gyud ug ma-monitor kun kinsa ang nag-supply sa matag drug pushers o drug personalities nga mangadakpan.

“That is drug profiling, paghimo anang drug profiling naa tay idea og pila ka source ang mosulod sa Region 7,”dugang ni Pausal.

Nabantayan sa kapulisan ug sa Philippine Drug Enforcement Agency 7 nga nagkataas ang kalidad sa illegal nga drugas nga ilang nasakmit dinhi.

Dugang pa ni Pausal, napili ang maong pabrika tungod kay libre ra kini ilabi na nga mahal ang bayad kun moabang pa sila og incinerator.

Gitug-an ni Pausal nga mas maayong kada tulo ka buwan sunogon kining mga ebidensya sa anti-drug operations nga naa sa ilahang kostudiya aron makita sa katawhan nga walay gipangtagoan.

Gimonitor

Sa pikas bahin, hangtud karon dili pa gihapon mokompirmar ang Philippine Drug Enforcement Agency 7 kun ang napatay nga lalaki didto sa Quezon City niadtong Abril 18 kun ang self-confessed drug lord nga si Franz Sabalones.

Si Thessa Albana-Tiuzen, Deputy Regional Director sa PDEA-7 nga nahinabi sa mga tigbalita miingon nga wa silay dokumento nga gihuptan nga magpamatuod nga ang namatay mao gayud si Sabalones.

Atol sa pagkahitabo, usa ka nagpailang kabanay ni Sabalones ang nipatim-aw sa kapolisan didto sa Quezon City ug miila sa maong gipatay nga kini mao ang pinangitang druglord.

Ang kapolisan sa Quezon City wala mohatag sa patay’ng lawas sa maong lalaki hangtud nga way mapakitang sila gyud ang tagtungod ug kinahanglang magpakuha sila og specimen alang sa himuong DNA test. Apan hangtud ning pagbalita walay kabanay nga nilukat sa maong patay nga lawas.

Samtang gipahibalo ni Tiuzen nga padayon ang ilang pagpaniid sa mga notadong druglord nga nakasibat na gawas sa Sugbo ug sa abroad na nagtago. IBM (BANAT NEWS)

SHABU
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with