Dakong sunog niulbo sa Mandaue City
Rowena D. Capistrano (Banat) - November 15, 2019 - 12:00am

CEBU, Philippines – Dili mominos sa usa ka gatos ka mga panimalay ang hingpit nga naugdaw sa sunog nga niulbo sa may Sitio Pilapil, Barangay Casuntingan sa Dakbayan sa Mandaue kagahapon sa hapon.

Gitug-an ni Kapitan Oscar Del Castillo Jr., sa Barangay Casuntingan nga nahinabi sa Banat News nga bana-bana nila lapas sa 100 ka panimalay  ang nasunog tungod kay lapad man ang lugar nga  naapektahan.

Sumala pa ni Castillo, sobra sa 200 ka pamilya ang namuyo sa maong dapit. Ang maong luna gipanagiya sa mga residente.

Mopatawag siya og emergency session aron makadeklarar sila og state of calamity aron magamit nila ang ilang calamity fund.

Ang maong sunog nadawat sa kabomberohan alas 2:02 sa hapon ug

Alas 6:45 na sa hapon kini hingpit nga napawong.

Matud pa ni Fire Officer 1 Rosendo Antiporta Deputy Radio Operator sa Mandaue City Fire Department gibana-banang moabot P460 mil ang danyos sa sunog. Wala pa silay natala nga naangol o nakalas sa maong sunog. Ang mga nasunogan ipahimutang sa gym sa Barangay Casuntingan ug magbutang usab sila og tents sa lugar nga nasunogan aron dunay mapasilongan ang mga biktima.

Samtang si Edwin Burlaos nitug-an sa Banat News nga sunog nagsugod sa panimalay sa iyang maguwang nga si Leni Calipis nga ilang gipuy-an karon sa iyang pamilya.

Dugang pa ni Burlaos, nakapanimaho sila og bahong sunog nga wire ug pipila ka gutlo nakita nila ang itom nga aso ug niulbo na dayon ang sunog.

Gisuwayan nila pagpawong gamit ang mga fire extinguishers ang kalayo apan wala na madala kay kadaghanan ginama sa light materials ilang balay.

Wala pa say gihatag nga impormasyon ang kabomberohan bahin sa maong hitabo. (/IBM)(BANAT NEWS)

 

MANDAUE CITY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with