BFAR niimplementar og programa alang sa mananagat

CEBU, Philippines – Ang Bureau of Fisheries and Aquatic Resources (BFAR)-7 niimplementar og programa aron pagtabang sa mga mananagat sa ilang panginabuhian nga mao ang “Operation Bagong Buhay”.

Matud sa direktor sa BFAR-7 Alfeo Piloton nga ang ‘Operation Bagong Buhay’ naimpementar sa rehiyon-7 tungod kay nakita niini nga naghitak ang ilegal nga kalihukan sa panagat sa rehiyon ilabi na diha sa amihanang bahin sa Sugbo sama sa dynamite fishing.

Si Piloton nagtuo nga posibleng hinungdan nga adunay nagpilin na nalambitig sa ilegal nga panagat tungod kay wala sila’y oportunidad nga mahatagan og alternatibong panginabuhian.

“Serbisyo man ning ato sa BFAR maghatag ta nila og teknolohiya unsaon sa paghimo og mga legal nga pamaagi ilang kambiyohon ilang huna-huna gikan sa ilegal ngadto sa legal, so mao nang Bagong Buhay karon kaluoy sa Diyos nanamom sila og seaweeds”, butyag ni Piloton.

Giingong aduna pay 10 porsyento nga nabilin nga nihimo gihapon og ilegal apan nidagan ang uban ngadto sa Negros.

Dad-on usab sa BFAR ang maong programa sa ubang lugar sama sa Daanbantayan, Bohol ug uban pa. (/BDB)(BANAT NEWS)