Kabataan sa mga durugista gipakaon sa kapolisan

CEBU, Philippines – Gipakaon sa kapolisan sa Dakbayan sa Talisay ang mga bata kansang mga ginikanan ang nalambigit sa ginadiling drugas kagahapong adlawa.

Kini inubanan sa mga negosyante sa dakbayan nga nisanong sa hangyo sa kapolisan nga moabag sa ilang programa nga gitawag og “Police and Partner’s Act of kindness for Children in Talisay.”

Si Police Major Gerard Ace Pelare, hepe sa Talisay City Police Station, ang nangulo sa programa diin gatusan ka bata nga taga Barangay Tangke ang giuna gumikan kay diha nga lugar ang gitutokan sa kapolisan sa ilang mga operasyon.

Tinguha nila nga mapaduol ang dughan sa mga bata sa kapolisan aron dili mahisama sa mga tawo nga nagpalibot kanila.

Matud ni Pelare nga usa kini sa paagi sa ilang pakigkombati sa ilegal nga drugas. (/GMR)(BANAT NEWS)