MCWD nisuplay og libreng tubig sa mga nasunogan

CEBU, Philippines — Gatusan ka biktima sa sunog ang nakapahimulos sa libre nga tubig gikan sa Metropolitan Cebu Water District (MCWD) human gitauran ug faucets diha sa Sitio Lusimba, Barangay Basak San Nicolas, Sitio Panting sa Barangay San Roque ug Sitio Ipil Alaska, Barangay Mambaling, Dakbayan sa Sugbo.

Matud ni Teresita Daligdig, taga Sitio Lusimba nga mapasalamaton sila tungod kay aduna na silay magamit nga tubig ilabi na nga wala na sila makadawat og libreng bottled water ug sukad pa niadtong kalag-kalag sila nagpuyo diha sa evacuation site. Gawas kang Dalig-dalig mapasalamaton usab ang uban nga mga nasunogan tungod  kay aduna na silay magamit nga tubig alang sa ilang inadlaw-adlaw nga panginahanglanon sama sa paglaba, pagkaligo ug pagpanghugas.

Ang MCWD nihatag og libreng tubig sa mga biktima sa sunog sulod sa 30 ka adlaw aron duna silay magamit sa adlaw-adlaw nga panginahanglanon nila sa tubig. BDB (BANATNEWS)