Si Davide niabot didto sa maong probinsiya kagahapon diin iyang gihatag ang nahisgutang hinabang.
File
Davide gitahasan ni Gwen; Simbahan nihimo og second collection
Rowena D. Capistrano, Le Phyllis F. Antojado (Banat) - November 12, 2019 - 12:00am

CEBU, Philippines — Gitahasan ni Gobernador Gwendolyn Garcia si Bise Gobernador Hilario Davide, III nga moay personal nga motunol sa P6 milyones nga hinabang sa Probinsiya sa Sugbo ngadto sa mga biktima sa linog sa Davao del Sur.

Si Davide niabot didto sa maong probinsiya kagahapon diin iyang gihatag ang nahisgutang hinabang.

Ang Lungsod Magsaysay nakadawat kini og P3 milyones; Matanao, P1 milyon; Bansalan, P1 milyon ug P1 milyon usab sa Dakbayan sa Digos. 

Si Davide nipadayag nga natuman na niya ang tahas ni Garcia kaniya ug nagpasalamat usab kini sa opisyales sa Davao del Sur pinangulohan ni Gobernador Douglas Cagas ug anak niini nga si Bise Gobernador Mark Douglas, IV kinsa ni abi-abi ug nihangop sa ilang pag-abot ngadto sa lugar. Sa iyahanng mensahe, si Davide nagkanayon nakasabot ang Probinsiya sa Sugbo sa emosyon sa Davao sanglit ang Sugbo nakasinati usab sa 7.2 magnitude nga linog niadtong tuig 2013. Si Bise Gobernador Cagas nipadayag usab sa iyang pagpasalamat sa Probinsiya sa Sugbo sa hinabang nga ilang nadawat. Base sa Sugbo News sa Kapitolyo si Bise Gobernador Cagas nagkanayon nga ang maong pinansiyal nga hinabang dako kaayong tabang kanila alang sa rebuilding phase diin ang ilang atubangon nga problema karon mao ang pag-rehabilitate.

Sa laing bahin, ang Archdiocese of Cebu nihimo og second collection atol sa gipahigayon nga mga Santos nga misa aron sa pagtabang sa mga nabiktima sa linog sa Mindanao. Kini ang gikonpirmar ni Archbishop Jose Palma dihang gikahinabi sa mga tigbalita.

Matud ni Palma nga ang pagpahigayon sa second collection sa mga Santos nga misa pagpakita kini og pakighiusa sa mga biktima sa linog.

Si Palma nagkanayon nga padayon gihapon nga manawat ang Caritas og mga hinabang alang sa mga biktima sa linog. Dugang ni Palma nga gawas sa mga donasyon padayon usab ang ilang mga pag-ampo alang sa mga biktima sa linog ug sa mga nitaliwan tungod sa maong trahediya. BDB (BANATNEWS)

GWENDOLYN GARCIA HILARIO DAVIDE III
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with