Reward money aron madakpan ang nagpatay sa brodkaster

Sheriza Mae Uy (Banat) - November 12, 2019 - 12:00am

CEBU, Philippines —  Adunay mohatag og P80 mil nga ganti kung kinsa ang makatudlo sa gitagoan ni Police Corporal Roger Rubio kinsa gitumbok nga maoy gunman sa pagpusil patay sa usa ka brodkaster sa Dakbayan sa Dumaguete.

“An initial amount of P80,000 reward money has been offered to anyone who can give information on the whereabouts of Police Corporal Rubio and alleged gambling lord Tomacino Aledro,” matud pa ni Police Regional Office 7 Director Police Brigadier General Valeriano De Leon.

Si Tomacino Aledro mao ang giingong tagiya sa Mitsubishi Estrada pickup nga usa sa mga gisakyan ni Rubio sa pagpatay kang Dindo Generoso. Si Rubio nibalhin og motorsiklo sa pagpusil na niini sa biktima.

Dugang pa ni De Leon nga tungod sa kainit og kaisog sa mga birada ni Generoso sa iyang programa sa radyo batok sa illegal gambling maoy usa nga gitan-aw nga motibo sa pagpatay kaniya nga gituohan sab nga may nagpaluyong mga politiko.

Samtang matud pa ni Negros Oriental Provincial Police Office Director Police Colonel Julian Entoma nga ang P80 mil nga ganti gikan kini sa usa ka concerned citizen nga dili magpangalan nga andam motabang sa pagsulbad sa kaso ni Generoso.

Dugang pa ni Entoma nga nakigalayon na usab sila sa Bureau of Immigration (BI) sa posibleng paglarga abroad ni Aledro human nga nakadawat sila og report nga moikyas kini gawas sa nasud.

Sa pakigsusi sa kapolisan nga ang sakyanan nga pick up nga nakit-an nga gigamit sa mga suspek gipanagiya ni Aledro ug na-recover kini sa tracker team sa didto na sa Dakbayan sa Valencia .

Una na nga nadakpan ang mga kauban niini na sila Teddy Reyes Salaw ug retiradong polis nga si Glenn Corsame. IBM (BANATNEWS)

ROGER RUBIO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with