Trahediya atol sa Yolanda nagpabilin sa panumduman
Sheriza Mae Uy (Banat) - November 10, 2019 - 12:00am

CEBU, Philippines — Emosiyonal gihapon ang usa ka pedicab drayber kinsa survivor sa bagyong Yolanda human sa unom katuig nga nakalabay sa nahitabong trahediya atol sa pagkusokuso kaniadto sa maong baygo ngadto sa rehiyon 8.

Jaime Flores, 36-anyos lumad nga taga dan Magallanes Barangay 54, Dakbayan sa Tacloban.

Matag magkaduol ang Nobiyembre 8 matag tuig mabalik sa iyahang panumduman ang nahitabo atol sa bagyo.

Matud ni Flores nga bisan sa kasakit sa ilang kasinatian mapasalamaton siya sa Ginoo sa ikaduhang kinabuhi nga gihatag kanila human nga luwas ang tibuok niyang pamilya.

Matud usab ni Flores nga aduna silay silingan nga tibuok pamilya ang nahanaw tungod sa pagtubo sa tubig ug ang ilang silingan kaniadto nagtuo nga dili kaayo mosaka ang tubig sa ilang mga panimalay.

Dali nga gidala ni Flores ang iyang pamilya ngadto sa bukid ug nibalik kini sa dan Magallanes aron unta motabang ngadto sa mga laing pamilya.

Atol sa bagyo usa ka dakong poste sa traffic light ang nakaluwas kang Flores tungod kay nakagunit siya niini hinungdan nga wala maanod sa baha.

Laing survivor nga si Zyra Lagarde, residente sa Villa Lolita Subdivision sa Barangay San Jose, Dakbayan sa Tacloban nipadayag nga damgohon gihapon siya bisan sa nilabayng katuigan sa iyahang nasinati atol sa bagyong Yolanda.

Matud ni Lagarde nga pila una katuig ang nakalabay una pa siya nakabaton og tarong nga katulog tungod kay dugay nahanaw sa iyang panumduman ang ilang kasinatian ug giampo na lang nila ang mga kalag sa nahanaw nilang mga mahal sa kinabuhi.

Ang Barangay San Jose ug dan Magallanes duol kini sa dagat ug sa maong lugar daghan ang nangamatay sa pagkusokuso sa bagyong Yolanda.

Naghalad og buwak ang mga survivor ngdato sa Yolanda Monument diin anaa usab sa maong lugar ang katunga sa barko nga M/V Eva Jocelyn isip pagtimaan sa mga nakalas sa bagyo. (/BDB)(BANATNEWS)

 

YOLANDA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with