Unang operation nahitabo sa may Sitio Sugar Landia, Barangay Bacayan sa Dakbayan sa Sugbo nga gikasikop ni Jefferson Sasan, alyas Poypoy, HVT nalaki sa watch list sa CCPO, 27.
File
Kapin P1 milyones shabu nasakmit, walo nadakpan sa drug operations
Rowena Capistrano, Romeo T. Limpangog, Romeo D. Marantal (Banat) - November 9, 2019 - 12:00am

CEBU, Philippines — Kapin usa ka milyon ka pesos nga balor sa gituohang shabu ang nasakmit sa kapulisan sa Dakbayan sa Sugbo ug Lapu-Lapu sa managlahi nga operasyon nga miresulta sa pagkasikop sa walo ka mga tawo.

Unang operation nahitabo sa may Sitio Sugar Landia, Barangay Bacayan sa Dakbayan sa Sugbo nga gikasikop ni Jefferson Sasan, alyas Poypoy, HVT nalaki sa watch list sa CCPO, 27.

Ang kapulisan sa Talamban Police Station nakasakmit og mga pinutos nga ginadiling drugas nga motimbang og 75.20 gramos nga mobalor og P511,360 base sa Dangerous Drug Board Value, buy bust money ug sudlanan sa ginadili nga drugas.

Laing nasikop sa Lower Bacayan alas 3:30 sa kaadlawon mao si Paul Daniel Miñoza, alyas Polpol, 26, residente sa maong lugar.Nakonpiskar gikan sa dinakpan ang pinakete sa gituohang shabu nga motimbang ug 100.74gramos nga mobalor og P685,032 ug buy-bust money.

Wa sab kaugpo sa kapolisan ang usa ka porter nga nadakpan sa buy- bust operation sa Pardo Police Station 7 pinangulohan ni Police Major John Kareen Escober  diha sa Jumalon St. sa Sitio Laguna Brgy. Basak Pardo.

Ang dinakpan giila nga si Evmar Minoza Vasquez alyas Emay, residente sa Sitio Silangan Brgy. Tinago, Cebu City.  Matud pa ni Escober si Vasques anaa sa Watch List Regional Level High Value Target (HVT).

Nakuha sa dinakpan ang nag kadaiyang putos sa gidudahang shabu nga mo timbang og 104 gramos nga mobalor og P707,200 ang dinakpan nga si Vasquez anaa gibalhog sa detention cell sa Pardo police station pasakaan og kasong kalapasan sa RA 9165.

Samtang tulo ka mga gipasanginlang tigpayuhot og shabu ang nasikop sa kapolisan sa Lapu-Lapu  City  nga naglakip  sa managsoong babaye ug laing duha  nga naaktohang  nagsuyop og shabu sa  Lungsod sa Consolacion. Si  Police  Captain   Felix  Cleopas  III sa City  Intelligence  Branch  (CIB)  mironda sa Sitio  Camansi,  Barangay Pajo sa Dakbayan sa Lapu-Lapu ug nasikop si Junry  Catalan  Tajo, 39, kinsa nakuhaan og pito  ka paketeng gidudahang shabu  ug motorsiklo nga walay plate number.

Samtang nadakpan usab ang managsoong babaye sa buy-bust operation sa kapolisan sa Barangay Marigondon nga giila nga sila si  Rodeth Villacrusis Sullano,  26  ug Maria Rhiana Villacrusis  Sullano, 28, pulos  taga  Sitio  Ticgahon, Barangay  Bankal sa maong dakbayan. Matud  pa ni  Police  Captain  Cleopas  nga nakuha gikan  sa duha  ka mga dinakpan ang  walo ka paketeng  shabu.

Laing nasikop mao ang duha nga naaktohan nanuyop diha sa East Binabag sa Lungsod  sa Consolacion nga sila  si Arnel  Magno, 34  ug  Rey  Mata,  29,  pulos taga Bagatayam sa Lungsod  sa Sogod.( /IBM)(BANATNEWS)

 

DRUGS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with