Ang nakalas naila nga si Rolando Jumao-as, alyas Negro, residente sa maong lugar human kini giingong nisukol sa mga polis pinangulohan ni Police Major Wayne Magbanua, sa Police Station 3 ug Station Drug Enforcement Unit.
File
Drug bust usa patay; kapin P9 milyones shabu nasakmit
Romeo Limpangog, Sheriza Mae Uy, Rowena Capistrano (Banat) - November 8, 2019 - 12:00am

CEBU, Philippines — Patay ang usa ka suspetsado sa pagpamaligya og illegal nga drugas human kini napusilan atol sa drug bust diha sa Purok Rambo, Barangay Babag, Dakbayan sa Lapu-Lapu, Miyerkules sa hapon.

Ang nakalas naila nga si Rolando Jumao-as, alyas Negro, residente sa maong lugar human kini giingong nisukol sa mga polis pinangulohan ni Police Major Wayne Magbanua, sa Police Station 3 ug Station Drug Enforcement Unit.

Matud pa nga pagkabantay sa suspek nga polis iyang kasabot niaksyon kini og kuot sa iyang hawak mao kining napusilan.

Duha ka gramong gituohang shabu ang nasakmit gikan kaniya. Apan walay nakuhang armas ang mga polis gikan sa namatay.

Sa laing operasyon, duha ka lalaki ang nasikop sa operasyon sa San Nicolas Police Station sa Barangay Sawang Calero Dakbayan sa Sugbo.

Ang mga dinakpan mao sila Renante Villarin, 18, nga regional high value target ug si Jodel Anguay.

Matud ni Police Major Keneth Paul Albotra sa San Nicolas Police Station duha  ka semanang gipanid-an ang duha human dunay nakasumbong nga namaligya sila og shabu sa lugar.

Gituohang sakop sa bag-ong grupo ang duha tungod binulto ang pag repack nila sa mga drugas nga nasakmit. Giingong kinilo nga shabu matag semana ang mabaligya sa duha.

Nakuha gikan kanila ang kapin 1.2 kilo nga shabu nga mobalor og kapin P8.6 milyones.

Sa laing bahin, gipahibalo sa Philippine Drugs Enforcement Agency (PDEA)-7 nga idispatsar na nila ang unang 800 gramos nga shabu nga ilang nasakmit karong umaabot nga buwan sa Disyembre.

Matud ni PDEA 7 Regional Director Wardley Getalla may pagtugot na gikan sa korte ang ilang plano. Pagkakaron dunay kapin 35 kilo nga shabu ang naa sa ilang posisyon karon nga ilang nakuha sulod sa dul-an duha ka tuig nila nga operasyon.

Diha sa Fortune Plain Village, Barangay Cansojong, Dakbayan saTalisay nadakpan sab sila si Pouchard Dela Cruz, 30, subject sa buybust  ug provincial level HVT; Romel Fajardo, 33; Cleobert Suarez, 23; ug  Jefferson Suarez, 28. Nangulo sa maong operasyon si Police si Police Lt. Col. Marlu Conag, hepe sa PIB ug mga kaubanan ug nasakmit gikan sa mga dinakpan ang 25 gramos nga shabu. (/IBM)(BANATNEWS)

DEAD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with