Atol sa hitabo, usa ka off-duty nga sakop sa Philippine Coast Guard -Cebu ang gidayeg sa mga kaubang pasahero tungod sa iyang ‘presence of mind’ nga nahimong instrumento sa malampuson ug paspas nga rescue operation.
File
Fastcraft nalunod, 62 ka tawo naluwas
Rowena D. Capistrano (Banat) - November 8, 2019 - 12:00am

CEBU, Philippines — Usa ka fastcraft nga nagdala og 62 ka mga pasahero ug crew ang nasudlan og tubig ug nalunod tungod sa pagkuso-kuso sa dagkong bawod diha sa kadagatan sa Lungsod sa Sibonga.

Atol sa hitabo, usa ka off-duty nga sakop sa Philippine Coast  Guard -Cebu ang gidayeg sa mga kaubang pasahero tungod sa iyang ‘presence of mind’ nga nahimong instrumento sa malampuson ug paspas nga rescue operation.

Ang nalunod mao ang MV Siargao Princess nga gikan sa Loon, Bohol alas 9:30 sa buntag padung unta modungo alas 11 sa buntag sa lungsod sa Sibonga, apan sa dihang duol na kini sa destinasyon (5 nautical miles) nakasugat kini og dagkong mga bawod ug nasudlan og tubig.

Ang Philippine Coast Guard nakadawat og tawag gikan kang Seamen First Class Ralph Barajan nga nadestino sa CGS Southern Cebu nga nakasakay sa maong fastcraft.

Daling miresponde sa lugar pinaagi sa Multi-Role Rescue Vessel Parola Class BRP Suluan ug rubber boats aron pagluwas sa mga pasahero.

Tungod kay daghan naman tubig nga nakasulod wala na makadagan ang fastcraft.  Ang mga pasahero lakip na mga bata ug tiguwang gipasuot og life jackets dihang naabtan sa Coast Guard.

Sumala pa ni Lt. Junior Grade Michael John Encina, ang tigpamaba sa PCG 7 apil sa miresponde ang special operation groups, medical team ug ang pakig-alayon usab sa mga sakop sa municipal ug city disaster.

Dugang pa ni Encina, mopahigayon sila sa imbestigasyon ug giawhag ang kapitan pagduso og maritime incident report.

Si Encina mapasalamaton sab sa ilang off-duty nga sakop nga si SN1 Barajan kay nakatabang kini pagpakalma ug pag-organisar sa mga pasahero alang sa paspas nga pag-rescue kanila.

Tulo ka pasahero ang nalandig sa tambalanan sa Dakbayan sa Carcar tungod sa kakapoy gumikan kay milangoy sila padulong sa daplin samtang dunay laing usa nga edaran na ang gidala sa tambalanan sa Dakbayan sa Sugbo tungod sa hyper  tension.

Usa ka pasahero kuyog sa iyang walo ka sakop sa banay nga padung managkot sa Birhen sa Simala nitug-an dul-an sa duha ka oras sila nagpautaw-utaw sa dagat ug nagpasalamat sila ni Barajan kay dako kini og natabang kanila.

Dugang pa sa maong ginang bisan sa ilang nasugatan nga problema molahos gihapon sila pagdagkot sa Birhen sa Simala nga maoy ilang tuyo pagtabok nganhi sa Sugbo.

Miangkon ang ginang nga dili  gyud unta siya molayat kay dili siya makamaong molangoy apan tungod sa hangyo ug pasalig ni Barajan milayat siya ug nakakupot og floating device nga maoy ilang gikapyotan hangtud nangabot ang rescuers.

Si Barajan nga exclusive nga nahinabi sa Banat News nitug-an nga bisan gibati sab siya og kahadlok iyaha kining gipadaplin tungod kay mao kini iyang trabaho.

Dugang pa ni Barajan nga iyang gisultihan ang mga pasahero nga dili magbuwagbuwag maong naghigtanay sila ug gipatung-an ang mga bata.

Ayha pa nilayat sa dagat si Barajan human niyang nasiguro nga wala nay pasahero o crew nga nahibilin. Mapasalamaton ra usab si Barajan nga luwas ra silang tanan mga pasahero. (/IBM)(BANATNEWS)

 

DROWN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with