PCG nanawat og donasyon alang sa mga biktima sa linog

CEBU, Philippines — Ang Philippine Coast Guard Central Visayas nag-consolidate sa mga relief good o sa bisan unsang klase sa donasyon diin ihatud nila kini sakay sa ilang barko gikan sa Cebu paingon ngadto sa mga lugar sa Mindanao nga apektado sa linog.

Nunot sa gihimong relief operation sa PCG, kagahapon ang district nakadawat og cash donations nga nagkantidad og P50,000 gikan sa Maritime stakeholder.

Laing P10,000 nga gikan sa PCG stations diin niabot ngadto sa P60,000 ang cash donations. Nasayran nga ang P60,000 nga cash donations, ang P10,000 niini gipalit og 300 ka kilo nga bugas; P10,000 nga trapal; P10,000 mosquito net ug tubig nga nagkantidad og P30,000. Adunay shipping company nga nidonar og 822 ka noodles.

Alang niadtong mga buot motabang sa mga naapektohan sa linog sa Mindanao mahimong mo-contact sa Philippine Coast Guard pinaagi sa pagtawag sa ilang mga numero sa landline nga 402-0489; smart number 0998-585-8301 ug sa globe nga. Mahimo usab nga motawag sa Philippine Coast Guard Cebu station sa mga numero nga 0917-622-1642 /0998-585-6254; Coast Guard Bohol station sa numero nga 0917-816-3121; ug Coast Guard Southern Cebu station sa 0905-402-4431 ug Coast Guard Camotes station sa 0917-809-5729. (BDB)(BANATNEWS)