Lima ka suspek sa tulis wa mopiyansa
Decemay P. Padilla, Romeo Limpangog (Banat) - October 30, 2019 - 12:00am

CEBU, Philippines – Lima ka suspek sa pagtulis sa pawnshops sud sa mall nagdumili pagpiyansa alang sa ilang temporaryong kagawasan human napasaka na sa korte ang kasong robbery in band batok kanila niadtong Lunes.

Ang lima nga pabiling gitanggong sa Mandaue City Jail mao sila si Julivyn Quirante, 43; Roel Sumingit, 35; Arnel Cimafranca, 38; Filomeno Candelaria, 38; ug James Anthony Gomez, 44, nga gipasakaan og kasong robbery in band nga may piyansang tag P100 mil kada usa.

Ang pagpanulis nahitabo diha sa Barangay Bankal sa Dakbayan sa Mandaue niadtong Oktobre 19, 2019 apan nianang pagkagabii, napatay sa mga polis ilang upat ka kauban apil ilang lider ug silang lima nangadakpan didto sa Dakbayan sa Bogo.

Si Superintendent  Gil  Inopia Jr., nga maoy jail warden  sa Mandaue  City  Jail miingon nga ilang giisip nga high-risk nga mga binilanggo tungod sa gibug-aton sa kaso nga ilang giatubang.

Si  Police  Colonel   Jonathan  Abella, director sa Mandaue  City  Police Office (MCPO) miingon nga mibisita sa iyang buhatan si Police Lieutenant Colonel  Jovie Espenido, deputy city director for operations  sa Bacolod City karon.

Si Espenido kanhi nahimong hepe sa kapolisan sa Ozamis City diin gikan ang mga suspek nga gidudahang mga sakop sa Kuratong Baleleng ug giingong nalambigit sab sa mga nahitabong tulis sa Negros Occidental ang grupo diin didto na karon nadestino ang maong kontrobersyal nga police official.

Sa pikas bahin,  gipahibalo sa Chief Investigator sa Commission on Human Rights(CHR)-7 Leo Villarino nga duna sila’y nakaestoryang makatabang sa ilang imbestigasyon sa kamatayon sa upat nga una nang nadakpan apan giingong nisukol ug napatay sa mga polis. “Ato lang siya tawgon nga i-witness siya. The same with other witnesses importante kaayo ang cooperation para ma-validate pud atong ubang information nga nakuha,” matud ni Villarino.

Gipadad-an na sab nila og subpoena ang kapolisan ug nangayo sila’g report bahin sa nahitabo apan giingong wala dawata ilang subpoena ug nanghinaot siyang miscommunication ra kini. (IBM)(BANAT NEWS)

 

SUSPEK
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with