^
CSBT magkinahanglan og dugang buses
Matud ni Carmen Quijano ang manager sa CSBT, gipaabot nilang magdasok gyud ang mga pasahero maong mohangyo sila sa mga local government units sa habagatang bahin sa lalawigan sa Sugbo nga mopadala og mga bus niini ngadto sa terminal aron idugang sa mga sakyanan aron maoy masakyan sa ilang mga konstituwente.
Aldo Nelbert Banaynal/File

CSBT magkinahanglan og dugang buses

Le Phyllis F. Antojado (Banat) - October 29, 2019 - 12:00am

CEBU, Philippines — Gibanabanang 50 mil ka mga pasahero ang gipaabot nga modagsa sa Cebu South Bus Terminal sugod Oktubre 30 sa hapon alang sa kalag-kalag ug gipanglantawan nga magnihit unya ang mga bus nga masakyan.

Matud ni Carmen Quijano ang manager sa CSBT, gipaabot nilang magdasok gyud ang mga pasahero maong mohangyo sila sa mga local government units sa habagatang bahin sa lalawigan sa Sugbo nga mopadala og mga bus niini ngadto sa terminal aron idugang sa mga sakyanan aron maoy masakyan sa ilang mga konstituwente.

Gipasalig niyang prayoridad nila nga pasakyon sa mga bus sa LGUs ang mga PWDs, senior citizen ug mga mabdos.

Si Quijano nagkanayon nga andam na ang terminal gikan sa mga pansayan ug mga portalets nga gihulam gikan sa Dakbayan sa Sugbo ngadto na sa mga medical personnel nga gipang deploy sa Provincial Health Office, waste management ug seguridad sa terminal.

Matud ni Quijano dugangan sab ang mga polis nga mobantay sa terminal gikan sa mga polis sa probinsya ug Dakbayan sa Sugbo.

Sulod sa terminal, adunay gamay nga kausaban sa sistema lakip ang mga destinasyon padulong Bato, Barili kay giusa na karon ang linya ngadto sa luyo nga bahin sa terminal pasulod sa passenger’s lounge.

Kun ugaling puno na ang sulod sa terminal sa mga sakyanan, matud ni Quijano di na kini pasudlan og taxi o pribadong sakyanan. IBM (BANATNEWS)

CEBU SOUTH BUS TERMINAL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with