DepEd sa probinsiya adunay bag-ong pangulo
CEBU, Philippines —Ang Department of Education (DepEd) sa Cebu Province aduna na kini bag-ong pangulo kinsa gikatakdang molingkod sa katungdanan sa kataposan niining buwana.
Si Dr. Marilyn Andales kinsa gikan sa Lapu-Lapu City Division mao na ang bag-ong Cebu Province Schools Division Superintendent hulip kang Dr. Rhea Mar Angtud.
Si Andales nag-courtesy call kini kang Gobernador Gwendolyn Garcia diin gihangayo kini ni Garcia nga kanunay nga makig-alayon sa mga local government unit (LGUs).
“She will coordinate with the mayors espe cially when it comes to changes or reassignment sa district supervisors and principals”, matud ni Garcia.
Giingong si Andales giingong nisaad kang Garcia nga makigtagbo kini sa local chief executives alang sa himuon mga koordinasyon.
Ang mga mayor sa Lalawigan sa Sugbo sayo pa nipasar kini og resolusyon pinaagi sa League of the Municipalities (LMP) Cebu Chapter nga pabalhinon si Angtud tungod kay wala sila matagbaw sa pagdumala niini sa DepEd sa Cebu Province.
Usa sa ilang mga reklamo mao ang giingong ka kulang ni Angtud sa koordinasyon.
Si Garcia nagkanayon nga importante nga makig-alayon ang DepEd ngadto sa mayor hilabina nga adunay gigahin ang LGUs alang sa mga eskwelahan lakip na sa ilang mga kalihukan.
Si Andales gikatakda nga mo asumer sa bag-o niining posisyon karong Oktubre 28, 2019. BDB (BANAT NEWS)
- Latest
