‘Porky Pochie’ magbantay bisan kalag-kalag

CEBU, Philippines —Padayong bantayan sa Philippine Coast Guard nga walay makasulod nga karne ug pork related products gikan sa Luzon atol sa kalag-kalag. Ang pork sniffing dog nga si Porky Pochie kanunay nga magbantay sa mga barko nga moabot sa Sugbo bisan kalag-kalag.

Ilusad sa PCG ang ilang “Oplan Biyaheng Ayos” isip pagpangandam sa umaabot nga kalag-kalag.

Gipahibawo sa tigpamaba sa PCG-7, Lt. JG Michael Encina, nga magsugod ang “Oplan Biyaheng Ayos” karong Oktubre 26 hangtud sa Nobiyembre 5.

Ang mga coast guard personnel ingon man ang Operational Control Units ug K9 Units ang heightened alert na ug ipakatap sa tanang pantalan sa Central Visayas. Asoy ni Encina nga diha sa mga pantalan gibantayan nila nga maayo ang kondisyon sa barko, security measures sa pantalan ingon man ang seguridad sa mga pasahero nga mosakay sa barko. Gipahinumduman sab nila ang mga pasahero nga mas maayong planohon daan ang ilang mga adtoon aron dili mahasol ug madeterminar dayun ang mga angayang buhaton ug malikayan ang aberya. Dunay mga presonnel sa PCG nga gipakatap sa mga pantalan nga nagpahigayon og pre-departure inspection sa mga barko ug duna sab sila’y vessel information network tracking application diin ma-monitor ang mga barko kun nakabiya na ba kini ug nakaabot na sa ilang destinasyon. GMR (BANAT NEWS)